Fundur utanríkisráðherra Norðurlanda og fundur utanríkisráðherra Norðurlanda og Eystrasaltsríkja í Ríga 29. ágúst 2003
Nr. 075
FRÉTTATILKYNNING
frá utanríkisráðuneytinu
frá utanríkisráðuneytinu
Halldór Ásgrímsson, utanríkisráðherra, sat í dag fund utanríkisráðherra Norðurlanda annars vegar og fund utanríkisráðherra Norðurlanda með utanríkisráðherrum Eystrasaltsríkja hins vegar. Báðir fundirnir fóru fram í Ríga, höfuðborg Lettlands.
Á fundi utanríkisráðherra Norðurlanda var meðal annars rætt um þróun og stækkun Evrópusambandsins og framtíðarsamstarf á Evrópska efnahagssvæðinu. Utanríkisráðherra lagði áherslu á hversu mikilvægt væri að gengið yrði frá stækkun Evrópska efnahagssvæðisins samtímis gildistöku samningsins um stækkun Evrópusambandsins.
Á fundi utanríkisráðherra Norðurlanda með utanríkisráðherrum Eystrasaltsríkja var einnig rætt um evrópsk öryggismál og framtíðarsamstarf Norðurlanda og Eystrasaltsríkja með tilliti til væntanlegrar aðildar Eystrasaltsríkjanna að ESB.
Ástand og horfur í Írak og Miðausturlöndum var viðfangsefni beggja funda.
Utanríkisráðuneytið
Reykjavík, 29. ágúst 2003.