Ráðherrafundur VES í Ostende í Belgíu
FRÉTTATILKYNNING
frá utanríkisráðuneytinu
_____________
Nr. 090
Halldór Ásgrímsson utanríkisráðherra sat í gær ráðherrafund Vestur-Evrópusambandsins í Ostende í Belgíu. Á fundinum
var mikið fjallað um hið alvarlega ástand í Saír og þá hvernig Vestur-Evrópusambandið gæti veitt aðstoð, eins og frá er
greint í hjálagðri yfirlýsingu.
Í ræðu sinni lagði utanríkisráðherra áherslu á sjálfstæða tilveru Vestur-Evrópusambandsins og mikilvægi öflugs samstarfs
þess og Norður-Atlantshafsbandalagsins, sem væri sem fyrr meginstoð öryggis og stöðugleika í Evrópu.
Utanríkisráðuneytið,
Reykjavík, 20. nóvember 1996