Samningafundur embættismanna um afmörkun hafsvæða
FRÉTTATILKYNNING
frá utanríkisráðuneytinu
_____________
Nr. 48
Hinn 20. maí síðastliðinn var haldinn í Kaupmannahöfn annar formlegi samningafundur íslenskra, danskra, færeyskra og grænlenskra embættismanna um afmörkun hafsvæðanna milli Íslands og Grænlands annars vegar og Íslands og Færeyja hins vegar. Fundurinn var mjög gagnlegur og voru aðilar sammála um að halda samningaviðræðum áfram fyrri hluta júní næstkomandi.
Reykjavík, 23. maí 1997