Össur Skarphéðinsson

Utanríkisráðherra

Fæddur í Reykjavík 19. júní 1953. Foreldrar eru Skarphéðinn Össurarson, búfræðingur og kjötiðnaðarmaður og Valgerður Magnúsdóttir, húsmóðir.

Þann 26. febrúar 1975 kvæntist Össur Árnýju Erlu Sveinbjörnsdóttur,doktor í jarðfræði, deildarstjóri á Raunvísindastofnun Háskóla Íslands. Árný er mágkona Ingibjargar Sólrúnar Gísladóttur fyrrverandi alþm og foreldrar hennar eru Sveinbjörn Einarsson og Hulda Hjörleifsdóttir. Dætur Össurar og Árnýjar Erlu eru: Birta Marsilía og Ingveldur Esperansa.

Náms- og starfsferill:

Stúdentspróf MR 1973. BS-próf í líffræði HÍ 1979. Doktorspróf í lífeðlisfræði með fiskeldi sem sérgrein frá Háskólanum í East Anglia, Englandi, 1983. Styrkþegi British Council við framhaldsrannsóknir 1983-1984.

• Utanríkisráðherra frá 1. febrúar 2009.
• Iðnaðarráðherra 24. maí 2007 - 10. maí 2009.
• Samstarfsráðherra Norðurlanda 25. maí 2007 - 10. júní 2008.
• Skipaður iðnaðarráðherra 24. maí 2007.
• Umhverfisráðherra 1993-1995.
• Alþingismaður Reykvíkinga 1991-2003 (Alþfl., JA., Samf.).
• Alþingismaður Reykvíkinga síðan 2003 (Samf.).
• Ritstjóri Þjóðviljans 1984-1987.
• Ritstjóri Alþýðublaðsins 1996-1997.
• Ritstjóri DV 1997-1998.
• Lektor við Háskóla Íslands 1987-1988.
• Aðstoðarforstjóri Reykvískrar endurtryggingar 1989-1991.
• Skipaður umhverfisráðherra14. júní 1993, lausn 18. apríl 1995, en gegndi störfum til 23. apríl.

Trúnaðarstörf:

• Formaður þingflokks Samfylkingarinnar 2006-2007.
• Í stjórnarskrárnefnd frá 2005.
• Formaður Samfylkingarinnar frá stofnun flokksins í maí 2000-2005.
• Sjávarútvegsnefnd 1991-1993, allsherjarnefnd 1991-1992, iðnaðarnefnd 1991-1993 (form.), landbúnaðarnefnd 1992-1993, utanríkismálanefnd 1995-1999 og 2005- (varform. 1998-1999), heilbrigðis- og trygginganefnd 1995-1999 (form.), umhverfisnefnd 1999-2000, fjárlaganefnd 1999-2001, kjörbréfanefnd 1999-2003, efnahags- og viðskiptanefnd 2001-2005.
• Íslandsdeild þingmannanefndar EFTA 1991-1993 og 1999-2004, Íslandsdeild VES-þingsins 1995-1999, Íslandsdeild Evrópuráðsþingsins 2004-2005, Íslandsdeild NATO-þingsins 2005- (form.).
• Í Þingvallanefnd 1995-2009.
• Formaður þingflokks Alþýðuflokksins 1991-1993.
• Í flokksstjórn Alþýðuflokksins 1991-1993.
• 2. varaforseti Neðri deildar. 1991.
• Í miðstjórn Alþýðubandalagsins 1985-1987, framkvæmdastjórn Alþýðubandalagsins 1985 og 1986.
• Formaður stúdentaráðs Háskóla Íslands 1976-1977.