Háskólafundaröð
Ísland á alþjóðavettvangi - erindi og ávinningur

Haustið 2007 efndu íslensk stjórnvöld í samvinnu við alla háskóla landsins til fundaraðar um stöðu Íslands á alþjóðavettvangi – erindi og ávinning. Markmiðið með fundaröðinni var að hvetja til upplýstrar samræðu um alþjóðamál í þjóðfélaginu. Fjallað var um stöðu og hlutverk Íslands á alþjóðavettvangi og um einstök mikilvæg verkefni eins og hugsanlega þátttöku Íslands í öryggisráði Sameinuðu þjóðanna. Tillögur að fundar- og umræðuefnum komu frá háskólunum. Einnig var efnt til málstofa og vinnustofa með þátttöku fræðimanna, nemenda og sérfræðinga á sviði utanríkismála.

Með vandaðri fræðilegri umræðu var leitast við að varpa skýrara ljósi á forsendur starfs Íslands á alþjóðavettvangi og þar með á mikilvægi öflugrar utanríkisþjónustu. Það var ekki síst markmið fundaraðarinnar að styrkja tengsl milli utanríkisráðuneytis og háskóla landsins í þágu bættrar stefnumótunar á öllum sviðum alþjóða- og utanríkismála.

Samantekt á efni og inntaki erinda og umræðna í háskólafundaröðinni.