Ræddu öryggismál á norðanverðu Atlantshafi

3.2.2017

  • Guðlaugur Þór tekur á móti Mercier.
    Guðlaugur Þór tekur á móti Mercier.

Guðlaugur Þór Þórðarson utanríkisráðherra og Denis Mercier, yfirhershöfðingi hjá Atlantshafsbandalaginu, ræddu öryggismál á norðanverðu Atlantshafi og málefni Atlantshafsbandalagsins á fundi sínum í Reykjavík síðdegis í gær. Einnig voru til umræðu þróun öryggismála í Evrópu, samskiptin vestur um haf og fyrirhugaður fundur varnarmálaráðherra bandalagsins um miðjan mánuðinn.

„Atlantshafsbandalagið er meðal hornsteina í okkar utanríkis- og varnarmálastefnu. Íslensk stjórnvöld hafa aukið framlög og borgaralega þátttöku í störfum bandalagsins sem er mikils metið af hálfu forsvarsmanna þess. Við munum halda áfram á þeirri braut," segir Guðlaugur Þór.

Til baka Senda grein