Nr. 044, 21.júní 2000 Viðtalstímar sendiherra Íslands
FRÉTTATILKYNNING
frá utanríkisráðuneytinu
________
Nr. 44
Utanríkisráðuneytið býður fyrirtækjum, samtökum, stofnunum og einstaklingum viðtalstíma við sendiherra Íslands þegar þeir eru staddir hérlendis til þess að ræða hagsmunamál sín erlendis, viðskiptamöguleika og önnur málefni þar sem utanríkisþjónustan getur orðið að liði. Viðtalstímar verða sem hér segir:
Föstudagur 23. júní 2000
Ólafur Egilsson, sendiherra Íslands í Kína, verður til viðtals í utanríkisráðuneytinu föstudaginn 23. júní n.k. kl. 10 til 12 eða eftir nánara samkomulagi. Umdæmi sendiráðsins nær einnig til Ástralíu, Indónesíu, Japans, Mongólíu, Norður-Kóreu, Nýja-Sjálands, Suður-Kóreu, Taílands og Víetnam.
Þorsteinn Pálsson, sendiherra Íslands í Bretlandi, verður til viðtals í utanríkisráðuneytinu sama dag, föstudaginn 23. júní n.k. kl. 10 til 12 eða eftir nánara samkomulagi. Umdæmi sendiráðsins nær einnig til Grikklands, Hollands, Indlands, Írlands, Maldíveyja, Nepal og Nígeríu.
- Þriðjudagur 11. júlí 2000
Jón Baldvin Hannibalsson, sendiherra Íslands í Bandaríkjunum, verður til viðtals í utanríkisráðuneytinu þriðjudaginn 11. júlí n.k. kl. 14 til 16 eða eftir nánara samkomulagi. Umdæmi sendiráðsins nær einnig til Argentínu, Brasilíu, Chíle, Gvatemala, Kanada, Kostaríka, Kólumbíu, Mexíkó, Níkaragva, Perú, Úrúgvæ og Venesúela.
Föstudagur 28. júlí 2000
Kristinn F. Árnason, sendiherra Íslands í Noregi, verður til viðtals í utanríkisráðuneytinu föstudaginn 28. júlí kl. 10-12 eða eftir nánara samkomulagi. Umdæmi sendiráðsins nær einnig til Egyptalands, Makedóníu (fyrrum sambandslýðveldis Júgóslavíu), Póllands, Slóvakíu og Tékklands.
Helgi Ágústsson, sendiherra Íslands í Danmörku, verður til viðtals í utanríkisráðuneytinu þriðjudaginn 8. ágúst n.k. kl. 10 til 12 eða eftir nánara samkomulagi. Umdæmi sendiráðsins nær einnig til Ísraels, Litháen, Möltu, Rúmeníu og Tyrklands.
Miðvikudagur 9. ágúst 2000
Benedikt Jónsson, fastafulltrúi Íslands hjá Fríverslunarsamtökum Evrópu (EFTA) verður til viðtals í utanríkisráðuneytinu miðvikudaginn 9. ágúst n.k. frá kl. 10 til 12 eða eftir nánari samkomulagi. Sendiskrifstofan fer einnig með fyrirsvar Íslands gagnvart Alþjóðaviðskiptastofnuninni (WTO), skrifstofu Sameinuðu þjóðanna í Genf og öðrum alþjóðastofnunum sem hafa aðsetur í Genf og Ísland er aðili að.
Gunnar Snorri Gunnarsson, sendiherra Íslands hjá Evrópusambandinu (ESB), verður til viðtals í utanríkisráðuneytinu sama dag, miðvikudaginn 9. ágúst n.k. frá kl. 14 til 16 eða eftir nánara samkomulagi. Umdæmi sendiráðsins nær einnig til Belgíu, Lúxemborg og Liechtenstein.
Mánudagur 18. september 2000
Kornelíus Sigmundsson, sendiherra Íslands í Finnlandi, verður til viðtals í utanríkisráðuneytinu mánudaginn 18. september n.k. kl. 14 til 16 eða eftir nánara samkomulagi. Umdæmi sendiráðsins nær einnig til Eistlands, Lettlands og Úkraínu.
Nánari upplýsingar og tímapantanir eru veittar í síma 560-9900.
Utanríkisráðuneytið
Reykjavík, 20. júní 2000.