Ráðherrafundur EFTA í Genf 3.-4.12.97.
FRÉTTATILKYNNING
frá utanríkisráðuneytinu
_____________
Ráðherrafundur EFTA var haldinn dagana 3. - 4. desember í Genf í Sviss. Halldór Ásgrímsson utanríkisráðherra sat fundinn fyrir hönd Íslands. Á fundinum var m.a. rætt um innra starf EFTA, EES-samninginn, samskipti EFTA við ESB og samskipti EFTA við ríki utan EES. Á síðustu árum hafa EFTA-ríkin aukið verulega samskipti sín við ríki utan ESB. Ráðherrar fögnuðu þessari þróun og ekki síst áhuga Kanada á að kannaður yrði möguleikinn á gerð fríverslunarsamnings við EFTA-ríkin.
Í tengslum við ráðherrafundinn var haldinn fundur með þingmannanefnd EFTA. Á þeim fundi var skiptst á skoðunum um EES og niðurstöður ráðsfundar þess 25. nóvember sl., fyrirhugaða stækkun ESB og samskipti EFTA við ríki utan EES.
Reykjavík, 4. desember 1997