Nemar útskrifast úr Jafnréttisskóla Háskóla SÞ 

Við útskriftina flutti Einar Gunnarsson, ráðuneytisstjóri utanríkisráðuneytisins, ávarp þar sem hann óskaði nemendum skólans til hamingju með áfangann, Hann þakkaði einnig forsvarsmönnum skólans og nemendum fyrir gott samstarf við ráðuneytið hvað varðar ályktun öryggisráðs Sameinuðu þjóðannan nr. 1325 um konur, frið og öryggi. Í ávarpinu kom ráðuneytisstjóri jafnframt inn á þá vinnu sem nú stendur yfir á vettvangi SÞ við mótun nýrra þróunarmarkmiða, en Ísland leggur einmitt áherslu á að jafnrétti kynjanna og valdefling kvenna verði miðlæg í nýjum markmiðum.

Á Íslandi starfa fjórir skólar undir hatti Háskóla SÞ: Jarðhitaskólinn, Sjávarútvegsskólinn, Landgræðsluskólinn og Jafnréttisskólinn. Sá síðastnefndi hefur það að markmiði að veita sérfræðingum frá þróunarlöndum, sem starfa að jafnréttismálum, þjálfun á sínu sérsviði og gera þeim betur kleift að vinna að jafnri stöðu karla og kvenna í heimalöndum sínum.