Nr. 031, 25. apríl 2001 Thorbjørn Jagland, utanríkisráðherra Noregs, kemur til Íslands.
FRÉTTATILKYNNING
frá utanríkisráðuneytinu
________
Nr. 031
Thorbjørn Jagland, utanríkisráðherra Noregs, kemur til Íslands á morgun, til viðræðna við Halldór Ásgrímsson, utanríkisráðherra. Sameiginleg hagsmunamál Íslands og Noregs, þar með talin Evrópumálin, verða efst á baugi í viðræðum ráðherranna auk annarra alþjóðamála.
Fundur utanríkisráðherranna verður haldinn í Eldborg, upplýsinga-og ráðstefnumiðstöð orkuvers Hitaveitu Suðurnesja í Svartsengi og mun Thorbjørn Jagland jafnframt kynna sér starfsemi fyrirtækisins og heimsækja Bláa lónið.
Í kjölfar fundarins boða utanríkisráðherrarnir til sameiginlegs blaðamannafundar og hefst hann kl. 14.30 fimmtudaginn 26. apríl á fundarstað í Svartsengi.
Utanríkisráðuneytið
Reykjavík, 25. apríl 2001.