Afhending trúnaðarbréfs

Guðmundur Árni Stefánsson, sendiherra, afhenti þann 16. janúar 2008, emírnum af Kúveit, Sheikh Sabah Al-Ahmed Al-Jaber Al-Sabah, trúnaðarbréf sitt sem sendiherra Íslands í Kúveit með aðsetur í Stokkhólmi.

Að athöfninni lokinni ræddu emír og sendiherra um tvíhliða samskipti ríkjanna og kvaðst emírinn vona að samstarf þjóðanna yrði eflt á sem flestum sviðum.

Sendiherra hitti einnig utanríkisráðherra Kúveit og aðstoðarutanríkisráðherra, sem og þá Íslendinga sem búa og starfa í Kúveit.