Fundur utanríkisráðherra með yfirherhöfðingja Atlantshafsbandalagsins

FRÉTTATILKYNNING
frá utanríkisráðuneytinu

Nr. 034

Dagana 19. og 20. þessa mánaðar er James L. Jones yfirhershöfðingi Atlantshafsbandalagsins staddur hér á landi í boði íslenskra stjórnvalda.

Valgerður Sverrisdóttir utanríkisráðherra átti í dag fund með hershöfðingjanum í utanríkisráðuneytinu. Á fundinum var rætt um málefni Atlantshafsbandalagsins, s.s. þróun bandalagsins, þátttöku Íslendinga í alþjóðlegu starfi og stuðning við aðgerðir. Einnig var rætt um stöðu mála í viðræðum Íslands og Bandaríkjanna um varnarsamstarf ríkjanna.