Hoppa yfir valmynd
19. desember 2003 Utanríkisráðuneytið

Undirritun samnings um gagnkvæma réttaraðstoð í sakamálum

Undirritun MLA samnings í Brussel
Undirritun MLA

Nr. 158


FRÉTTATILKYNNING
frá utanríkisráðuneytinu


Í dag var undirritaður samningur Íslands og Noregs annars vegar og Evrópusambandsins hins vegar um beitingu tiltekinna ákvæða samnings frá 29. maí 2000 um gagnkvæma réttaraðstoð í sakamálum milli aðildarríkja Evrópusambandsins og bókunar við hann frá 2001. Af Íslands hálfu undirritaði samninginn Kjartan Jóhannsson sendiherra Íslands í Brussel.

Þátttaka Íslands í samningi Evrópusambandsins um gagnkvæma réttaraðstoð í sakamálum gefur íslenskum lögregluyfirvöldum aukna möguleika á nánara samstarfi við lögregluyfirvöld í aðildarríkjum ESB að því er varðar rannsókn sakamála. Á því sviði hefur Ísland hagsmuna að gæta af nánara og skilvirkara samstarfi. Samningurinn mun einfalda samstarfið á þessu sviði frá því sem verið hefur milli Íslands og aðildarríkja ESB.


Utanríkisráðuneytið
Reykjavík, 19. desember 2003

Efnisorð

Hafa samband

Ábending / fyrirspurn
Ruslvörn
Vinsamlegast svaraðu í tölustöfum