Fundur utanríkisráðherra með sjávarútvegsrh. Rússlands
FRÉTTATILKYNNING
frá utanríkisráðuneytinu
_____________
Nr. 048
Vladimir Korelskij, sjávarútvegsráðherra Rússlands og Halldór Ásgrímsson, utanríkisráðherra, áttu fund í dag þar sem þeir
ræddu m.a. fiskveiðar Íslendinga í Barentshafi. Ráðherrarnir lögðu báðir áherslu á nauðsyn þess að finna lausn á deilu
ríkjanna og áttu mjög gagnlegar viðræður.
Sjávarútvegsráðherra Rússlands afhenti utanríkisráðherra sérstaka viðurkenningu fyrir framlag hans til góðra samskipta milli
Rússlands og Íslands á sviði sjávarútvegsmála. Viðurkenning þessi er afhent þeim aðilum sem þykja hafa skarað fram úr á
þessu sviði.
Utanríkisráðuneytið,
Reykjavík, 31. maí 1996