Kosning Íslands til setu í ECOSOC
FRÉTTATILKYNNING
frá utanríkisráðuneytinu
_____________
Nr. 082
Ísland var kjörið til þriggja ára setu í efnahags- og félagsmálaráði Sameinuðu þjóðanna (ECOSOC) frá og með næstu
áramótum á fundi allsherjarþingsins í dag. Ráðið er ein höfuðstofnana S.þ., ásamt allsherjarþinginu og öryggisráðinu, og þar
sitja 53 aðildarríki á hverjum tíma.
Helsta hlutverk efnahags- og félagsmálaráðsins er að fylgjast með og samræma starfsemi S.þ. á efnahags- og
félagsmálasviðinu, þ.á m. hvað varðar framkvæmd niðurstaðna alþjóðlegra stórráðstefna sem haldnar hafa verið á vegum
samtakanna á undanförnum árum.
Frá upphafi aðildar að Sameinuðu þjóðunum hefur Ísland aðeins einu sinni áður tekið sæti í efnahags- og félagsmálaráðinu,
en það var á árunum 1985 - 1987.
Utanríkisráðuneytið,
Reykjavík, 31. október 1996