Nr. 037, 25. maí 2000. Opnun ljósmyndasýningar á Akureyri um sögu Utanríkisþjónustunarinnar.
FRÉTTATILKYNNING
frá utanríkisráðuneytinu
Nr. 037
Halldór Ásgrímsson, utanríkisráðherra, mun opna ljósmyndasýningu um sögu utanríkisþjónustunnar í Amtsbókasafninu á Akureyri næstkomandi mánudag, 29. maí, kl. 17.00. Utanríkisráðherra mun einnig halda fyrirlestur um utanríkisþjónustuna og utanríkismál Íslands.
Jafnframt mun utanríkisráðherra taka þátt í kynningu á starfsemi Viðskiptaþjónustu utanríkisráðuneytisins á meðal fyrirtækja á Akureyri og af Eyjafjarðarsvæðinu, í samvinnu við Atvinnuþróunarfélag Eyjafjarðar. Kynningin verður haldin á Hótel KEA og hefst kl. 15.30.
Ljósmyndasýningin er sett upp í tilefni af sextíu ára afmæli utanríkisþjónustunnar og stendur til loka júnímánaðar. Sýningin var fyrst opnuð í Þjóðarbókhlöðunni á afmælisdegi utanríkisþjónustunnar þann 10. apríl síðastliðinn, en hefur nú verið sett upp á Akureyri.
Dagskrá utanríkisráðherra á Akureyri mánudaginn 29. maí 2000 er eftirfarandi:
15.30-16.30 Kynning á Viðskiptaþjónustu utanríkisráðuneytisins, Hótel KEA.
17.00-17.20 Fyrirlestur utanríkisráðherra um utanríkisþjónustuna og íslensk utanríkismál á Amtsbókasafninu á Akureyri.
17.30. Utanríkisráðherra opnar ljósmyndasýninguna, Amtsbókasafnið, Brekkugötu 17, Akureyri.
Utanríkisráðuneytið
Reykjavík, 25. mai 2000.