Fordæming á Kínverja v/Tævan
FRÉTTATILKYNNING
frá utanríkisráðuneytinu
_____________
Nr. 016
Utanríkisráðherra lýsir áhyggjum vegna þeirrar spennu sem upp er komin í kjölfar þess að Kínverjar hafa hafið miklar
heræfingar undan ströndum Tævan.
Utanríkisráðherra hvetur alla hlutaðeigandi aðila að gæta varúðar og varast að láta núverandi spennu stigmagnast. Hætta
gæti orðið á því að aðgerðir Kínverja á þessum slóðum leiði til átaka, með ófyrirsjáanlegum afleiðingum.
Utanríkisráðherra hvetur kínverska ráðamenn til þess að draga úr umfangi þeirra heræfinga sem nú standa yfir og lýsir þeirri
von sinni að ríkisstjórn Kína og stjórnvöld á Tævan leysi uppkominn vanda með friðsamlegum hætti.
Utanríkisráðuneytið
Reykjavík 13. mars 1996