Íslenskir skipverjar á Mt.Vydunas
FRÉTTATILKYNNING
frá utanríkisráðuneytinu
_____________
Nr. 021
Utanríkisráðuneytið hefur fengið staðfestingu frá stjórnvöldum í Litháen þar sem segir að Búnaðarbankinn í Litháen, einn
eigenda Mt. Vydunas LA-0902, hafi stefnt skipinu heim til Litháen vegna viðskiptalegs ágreinings.
Líðan íslenskra skipverja er góð og munu þeir fá bestu fyrirgreiðslu og þeim verður séð fyrir flugi til Íslands strax við komu
til Litháen.
Utanríkisráðuneytið hefur krafist þess, í ljósi atburða, að Íslendingarnir geti haft fjarskiptasamband við ættingja sína og
íslenska málsvarsaðila. Formlegt svar við kröfu utanríkisráðuneytisins hefur enn ekki borist.
Utanríkisráðuneytið,
Reykjavík, 25. mars 1996