Nr. 083, 11. september 2001: Öryggisráðstafanir á Keflavíkurflugvelli vegna árása á borgir í Bandaríkjunum
FRÉTTATILKYNNING frá utanríkisráðuneytinu
Nr. 083
Vegna hryðjuverka í Bandaríkjunum hefur Varnarliðið á Keflavíkurflugvelli gripið til aukinna öryggisráðstafanna. Íslenskir starfsmenn Varnarliðsins hafa verið sendir heim úr vinnu og aðgangur að varnarsvæðinu takmarkaður verulega.
Íslensk stjórnvöld á Keflavíkurflugvelli hafa einnig eflt öryggisgæslu og viðbúnað. Flugvélum á leið vestur um haf hefur verið snúið frá Bandaríkjunum og má gera ráð fyrir að einhverjar þeirra lendi á Keflavíkurflugvelli.
Utanríkisráðuneytið
Reykjavík, 11. september 2001.