EFTA-ríkin þokast nær fríverslunarsamningi við Mercosur

19.1.2017

  • EFTA-Mercosur

EFTA-ríkin náðu mikilvægum áfanga í Sviss í dag við að þokast nær fríverslunarsamningi við Mercosur-ríkin (þ.e. Brasilía, Úruguay, Argentína og Paraguay) þegar fulltrúar landanna undirrituðu yfirlýsingu sem staðfestir lok undirbúningsviðræðna fyrir gerð  fríverslunarsamnings. Gert er ráð fyrir að formlegar fríverslunarviðræður hefjist síðar á þessu ári en til þessa hafa viðræður EFTA-ríkjanna og Mercosur verið á grundvelli samstarfsyfirlýsingar frá árinu 2000. 

„Það er mikið fagnaðarefni að þessum áfanga sé nú náð en Ísland og hin EFTA-ríkin hafa stefnt að þessu í fjölda ára. Hér er um að ræða einhverjar mikilvægustu fríverslunarviðræður EFTA um langt skeið enda markaðssvæðið gríðarstórt að vöxtum, með um 300 milljónir íbúa. Mercosur-ríkin  er það svæði í heiminum þar sem hagvöxtur verður hvað mest  í framtíðinni og það eru augljóslega miklir vaxtarmöguleikar fyrir íslenskar útflutningsgreinar,“ segir Guðlaugur Þór Þórðarson utanríkisráðherra.

Merki markmiðs númer 8, góð atvinna og hagvöxturMerki markmiðs númer 17 um alþjóðlega samvinnuEfni þessarar fréttar tengist Heimsmarkmiði Sameinuðu þjóðanna um sjálfbæra þróun.

Til baka Senda grein