Einkamál erlendis

Einkamál erlendis

Almenn aðstoð vegna málaferla erlendis

Borgaraþjónustan getur aðstoðað við að finna lögmenn og túlka, haft samband við erlend stjónvöld og hjálpað við að komast í samband við þau.

Borgaraþjónustan getur veitt grundvallar upplýsingar um réttarkerfi viðkomandi ríkis en getur þó ekki veitt lögfræðilega ráðgjöf.

Borgaraþjónustan getur veitt almenn ráð og leiðbeiningar í tengslum við málið.

Borgaraþjónustan getur ekki greitt fyrir lögfræðikostnað, ferðakostnað eða kostnað við uppihald í tengslum við mál.

Aðstoð vegna forsjármála

Auk áðurnefndrar aðstoðar getur borgaraþjónustan greitt götu íslenskra ríkisborgara hvað varðar forsjármál erlendis sé það ekki á valdsviði íslenskra yfirvalda að úrskurða um forsjána. Í þessu felst m.a. liðsinni við að fylgjast með máli, stimplun og staðfesting íslenskra skjala auk almennrar upplýsingaöflunar í tengslum við mál.

Borgaraþjónustan getur þó ekki veitt aðstoð við aðgerðir sem ekki samræmast lögum, t.a.m. komið barni aftur heim til Íslands þegar slíkt hefur verið bannað af erlendu stjórnvaldi eða aðstoðað í slíkum aðgerðum.

Í þeim tilvikum sem barn er með tvöfaldan ríkisborgararétt getur reynst erfitt fyrir borgaraþjónustu að beita sér af fullum þunga. Hér má til dæmis nefna tilvik eins og þegar hitt ríkið lítur sem svo á að barn sé eingöngu ríkisborgari þess ríkis.