Ferðakynning Antor alþjóðlegra samtaka ferðamálaráða fór fram í Stokkhólmi þann 24. september s.l. Þar mátti greina aukinn áhuga á ferðum til Íslands.

Mikil umferð var á íslenska bókabásnum á bókasýningunni í Gautaborg, sem fram fór dagana 24. - 27. september síðastliðinn. Talið er að um 100 þúsund gestir hafi sótt sýninguna. Sendiherra Íslands í Svíþjóð, Guðmundur Árni Stefánsson var viðstaddur sýninguna.

Nýlega var gefin út bókin Samband: Svíþjóð og Ísland í auknum samskiptum, þar sem gert er grein fyrir fjölþættum samskiptum Svíþjóðar og Íslands fyrr og nú. Bókin er gefin út af Sænsk-íslenska samstarfssjóðnum.

Hugleikur Dagsson rithöfundur hefur vakið mikla athygli í Finnlandi og brátt kemur út fjórða bók hans á finnsku. Sendiráð Íslands í Helsinki og útgáfufyrirtækið Atena stóðu að kynningu á listamanninum í Turku í Finnlandi sem haldin var 2. - 4. október sl.