Norræna ráðherranefndin

Norræna ráðherranefndin var stofnuð árið 1971. Í henni eiga sæti fulltrúar norrænu ríkisstjórnanna. Nefndin fjallar um hagsmunamál Norðurlanda og tekur ákvarðanir um framkvæmd samnorrænna verkefna í nánu samráði við Norðurlandaráð. Sjálfsstjórnarsvæðin þrjú taka einnig þátt í starfsemi nefndarinnar.

Norræna ráðherranefndnin er í raun samsett úr 11 minni nefndum fagráðherra sem hittast reglulega og bera m.a. ábyrgð á menningarmálum, umhverfismálum, menntun, rannsóknum, orkumálum og vinnumarkaðsmálum. Allar ákvarðanir ráðherranefndarinnar verða að vera samhljóma vegna þess að þær eru bindandi fyrir samstarfsríkin. Í sumum tilvikum þurfa þjóðþingin að staðfesta ákvarðanir ráðherranefndarinnar til að hrinda megi þeim í framkvæmd.

Skrifstofa Norrænu ráðherranefndarinnar er staðsett Ved Stranden 18 í Kaupmannahöfn og starfa þar um níutíu manns. Starfsemin er fjármögnuð með framlögum frá norrænu ríkjunum í réttu hlutfalli við íbúatölu og þjóðarframleiðslu. Norrænu ríkin skiptast á um að gegna formennsku í ráðherranefndinni, og á árinu 2009 leiða Íslendingar samstarfið.

Sérstakt átaksverkefni

Nýsköpunarmiðstöð Íslands heldur utan um átaksverkefni um markvissa upplýsinga-miðlun um fjármögnunarleiðir innan norræns samstarfs. Markmiðið er að upplýsa og auka möguleika íslenskra fyrirtækja, stofnana, félagasamtaka og einstaklinga að sækja í norræna styrkja- og stuðningsmöguleika. Nánar um verkefnið hér.

• Norræna ráðherranefndin
• Norrænir samningar
• Norræni þjónustusíminn
• Norrænar fréttir
• Norrænir styrkir