Undanfarna daga hefur verið efnt til kynningarfunda í nokkrum löndum Evrópu þar sem Ísland hefur verið kynnt sem spennandi og ódýr áfangastaður. Til fundanna hafa verið boðaðir blaðamenn, ferðaskrifstofur og aðrir aðilar úr ferðaþjónustugeiranum í Stokkhólmi, París og Kaupmannahöfn og er áætlað að halda slíka fundi víðar. Markmiðið er að koma þeim skilaboðum áleiðis að þrátt fyrir erfiðleika í efnahagsmálum á Íslandi, blómstri ferðamannaiðnaðurinn sem aldrei fyrr, enda Ísland sjaldan verið ódýrari kostur en nú, í kjölfar falls íslensku krónunnar.

Þann 21. nóvember síðastliðinn var Íslenska viðskiptanetið í Danmörku stofnað. Um 90 fyrirtæki gerðust stofnaðilar að netinu sem ætlað er að vera vettvangur íslenskra fyrirtækja til að tengjast sín á milli. Formaður netsins var kosin Vigdís Finnsdóttir.