Þann 15. maí síðastliðinn undirritaði Gunnar Snorri Gunnarsson, sendiherra, fyrir Íslands hönd, tvísköttunarsamning milli Íslands og Suður-Kóreu sem nær til tekju- og eignaskatta.

Mánudaginn 25. maí voru haldnar viðræður í Alþjóðaviðskiptastofnuninni í Genf (WTO) vegna aðildar Rússlands að stofnuninni. Fundinum stýrði Stefán Haukur Jóhannesson, sendiherra Íslands í Brussel, en hann hefur gengt formennsku WTO aðildarnefndarinnar gagnvart Rússum frá árinu 2003.

Sendiráð Íslands í Kaupmannahöfn og Dansk íslenska verslunarráðið efndu til fundar á Bryggjunni miðvikudaginn 21. maí þar sem fjallað var um íslenskt efnahagslíf. Fundurinn tókst mjög vel; fundarsókn var góð og fyrirlesarar skiluðu sínu verki af stakri prýði.

Hópur belgískra blaðamanna sótti Ísland heim á dögunum til að kynna sér íslenskan sjávarútveg sem og land og þjóð.