Rekstrar- og þjónustusvið

Rekstrar- og þjónustusvið hefur með höndum fjármál og rekstur utanríkisþjónustunnar, þ.m.t. fjárlagagerð, framkvæmd fjárlaga og áætlanagerð fyrir aðalskrifstofu og sendiskrifstofur. Sviðið hefur auk þess umsjón með rekstri og viðhaldi bygginga í eigu ríkisins erlendis auk umsjónar með leigusamningum á skrifstofu- og íbúðarhúsnæði erlendis. Þá hefur sviðið umsjón með öllum eignakaupum og rekstri búnaðar.

Sviðið tekur þátt í fjölbreyttu samstarfi við utanríkisþjónustur hinna Norðurlandanna á sviði rekstrarmála, borgaraþjónustu og öryggismála.

Rekstrar- og þjónustusvið fer með borgaraþjónustu ráðuneytisins og rekur neyðarvakt árið um kring. Utankjörfundaratkvæðagreiðsla erlendis tilheyrir verkefnum borgaraþjónustu. Undir sviðið heyra málefni þýðingamiðstöðvar, öryggismál utanríkisþjónustunnar, fjarskiptamál, umsjón tölvukerfa og rekstur skjalasafna. Sviðið annast einnig allar ferðabókanir fyrir aðalskrifstofu ráðuneytisins. Þá heyrir undir sviðið móttaka ráðuneytisins, póstafgreiðsla og rekstur mötuneytis.

Rekstrar- og þjónustusvið hefur tekið saman tölulegar upplýsingar um utanríkisþjónustuna og sett þær fram á myndrænan hátt, sjá hér. Sjá einnig upplýsingar um skiptingu fjárveitinga til utanríkisráðuneytisins á Ríkiskassanum.