Utanríkisráðuneyti - Fréttir og fréttatilkynningar frá utanríkisráðuneyti

Umsóknir um áheyrnaraðild og styrking ráðsins rædd á aðstoðarráðherrafundi Norðurskautsráðsins

Wed, 16 May 2012 15:43:00 +0000

Á aðstoðarutanríkisráðherrafundi Norðurskautsráðsins, sem haldinn var í Stokkhólmi í gær, var fjallað um fyrirliggjandi umsóknir um áheyrnaraðild að ráðinu. Mikill einhugur var á fundinum um að efla stefnumótun og hagnýtar aðgerðir á vegum ráðsins og styrkja innri starfsemi þess sem er mjög í samræmi við norðurslóðastefnu íslenskra stjórnvalda.

Aukinn stuðningur við Íslendinga sem afplána fangelsisdóma erlendis

Wed, 16 May 2012 15:16:00 +0000

Ríkisstjórn Íslands ákvað á fundi sínum síðastliðinn föstudag að fela utanríkisráðherra og innanríkisráðherra að undirbúa gerð samninga við önnur ríki um flutning dæmdra manna og fullnustu refsinga. Sérstök áhersla verður lögð á að gera samninga við ríki sem eru fjarri Íslandi og þar sem aðbúnaður fanga er verulega lakari en tíðkast hérlendis.

Noregur og Liechtenstein taka undir sjónarmið Íslands í Icesave-málinu

Wed, 16 May 2012 14:01:00 +0000

Í gær rann út frestur til að skila skriflegum athugasemdum í Icesave-málinu. Noregur og Liechtenstein taka undir sjónarmið Íslands um að ríkisábyrgð á innstæðutryggingum verði ekki byggð á tilskipun um innstæðutryggingar án þess að það komi skýrt fram í tilskipuninni sjálfri.

Sögueyjan Ísland sýnd í EFTA

Wed, 16 May 2012 11:01:00 +0000

Össur Skarphéðinsson, utanríkisráðherra, og Bergdís Ellertsdóttir, aðstoðarframkvæmdastjóri EFTA, opnuðu sýninguna Sögueyjan Ísland - Portrett af íslenskum samtímahöfundumí húsakynnum EFTA í Brussel í gær. Við opnunina spilaði Björk Óskarsdóttir, fiðluleikari, íslensk sönglög eftir Sigfús Halldórsson og Atla Heimi Sveinsson.

Össur Skarphéðinsson utanríkisráðherra sat 37. fund EES-ráðsins sem fram fór í Brussel í dag

Mon, 14 May 2012 20:06:00 +0000

Á fundinum gagnrýndi utanríkisráðherra harðlega þær tillögur sem nú eru til umræðu innan ESB um beitingu viðskiptaþvingana gagnvart Íslandi vegna makríldeilunnar og taldi þær brjóta gegn alþjóðlegum skuldbindingum ESB, m.a. á vettvangi EES og WTO. Hann gerði jafnframt grein fyrir sjónarmiðum Íslands í málinu og ítrekaði að Ísland hefði fullan vilja til að vinna áfram að lausn deilunnar með öðrum aðilum hennar.

Utanríkisráðherra fundar með aðalframkvæmdastjóra IRENA

Fri, 11 May 2012 22:15:00 +0000

Össur Skaprhéðinsson utanríkisráðherra átti í dag fund með Adnan Z. Amin aðalframkvæmdastjóri IRENA, sem er í heimsókn á Íslandi í boði utanríkisráðherra.

Stjórnvöld svara andsvörum ESA við málsvörn Íslands

Fri, 11 May 2012 15:52:00 +0000

Stjórnvöld hafa í dag sent EFTA-dómstólnum gagnsvör í Icesave-málinu. Með þeim er svarað athugasemdum Eftirlitsstofnunar EFTA (ESA) við fyrri greinargerð stjórnvalda. Þar með er lokið annarri umferð í skriflegum hluta málflutnings fyrir dómstólnum.

Frestur annarra EFTA-ríkja og aðildarríkja Evrópusambandsins til að taka þátt í meðferð málsins með skriflegum athugasemdum er á enda runninn þriðjudaginn 15. maí nk.

Ísland veitir neyðaraðstoð til Sahel-svæðisins og Suður-Súdans

Fri, 11 May 2012 15:39:00 +0000

Utanríkisráðuneytið hefur ákveðið að veita 100 þúsund Bandaríkjadölum, eða um 13 milljónum íslenskra króna, til neyðaraðstoðar Matvælaáætlunar Sameinuðu þjóðanna (WFP) á Sahel-svæðinu og í Suður-Súdan, en þar er talin yfirvofandi hætta á hungursneyð og ófriði.

Tímasett aðgerðaáætlun á sviði byggða- og sveitarstjórnarmála

Fri, 11 May 2012 11:06:00 +0000

Tímasett aðgerðaráætlun um hvernig undirbúningi á sviði byggða- og sveitarstjórnarmála verður háttað komi til aðildar Íslands að Evrópusambandinu hefur verið afhent framkvæmdastjórn og aðildarríkjum ESB.

Utanríkisráðherra ávarpar stofnfund Amerísk-íslenska viðskiptaráðsins

Thu, 10 May 2012 15:39:00 +0000

Össur Skarphéðinsson, utanríkisráðherra, ávarpaði í morgun stofnfund Amerísk-íslenska viðskiptaráðsins (AMÍS). AMÍS er systurstofnun Icelandic American Chamber of Commerce (IACC) sem er tvíhliða viðskiptaráð með aðsetur í Bandaríkjunum. Ráðinu er ætlað að styrkja enn frekar samskipti Íslands og Bandaríkjanna á sviði viðskipta, verslunar, menningar- og menntamála.

Alþjóðlegt námskeið á sviði mannúðaraðstoðar

Tue, 8 May 2012 09:42:00 +0000

Utanríkisráðuneytið stendur fyrir alþjóðlegu námskeiði um öflun, vinnslu og miðlun upplýsinga á neyðarsvæðum dagana 7.-11. maí 2012 í samvinnu við Skrifstofu fyrir samræmingu mannúðaraðstoðar hjá Sameinuðu þjóðunum í Genf (OCHA, Office for the Coordination of Humanitarian Affairs).

Fríverslunarsamningur EFTA-ríkjanna við Úkraínu tekur gildi 1.júní nk.

Mon, 7 May 2012 16:28:00 +0000

Fríverslunarsamningur milli EFTA-ríkjanna og Úkraínu var undirritaður 24. júní 2010 í Reykjavík, ásamt tvíhliða landbúnaðarsamningum milli landanna. Bæði EFTA-ríkin og Úkraína hafa nú lokið fullgildingu samninganna og mun fríverslunarsamningurinn ásamt landbúnaðarsamningunum ganga í gildi hinn 1. júní nk.

Utankjörfundaratkvæðagreiðsla erlendis vegna forsetakosninga 30. júní 2012

Mon, 7 May 2012 13:59:00 +0000

Utankjörfundaratkvæðagreiðsla erlendis, vegna forsetakosninga sem fara fram 30.júní 2012, hefst 7. maí n.k. og fer fram í öllum sendiráðum Íslands erlendis og aðalræðisskrifstofum Íslands í New York, Winnipeg og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands erlendis, samanber meðfylgjandi lista.

Móttaka flóttafólks árið 2012

Fri, 4 May 2012 08:57:00 +0000

Ríkisstjórnin samþykkti á fundi sínum þann 4. maí s.l. að tillögu velferðarráðherra og utanríkisráðherra móttöku allt að átta afganskra flóttamanna úr flóttamannabúðum í Íran.
Ákvörðunin er gerð að tillögu flóttamannanefndar sem byggist á tilmælum Flóttamannastofnunar Sameinuðu þjóðanna (UNHCR) um áherslu á aðstoð við konur sem skilgreindar eru í hættu (e. women at risk). Stefnt er að komu flóttamannanna hingað til lands í sumar.

Fundur utanríkisráðherra Norðurlandanna í Stafangri

Fri, 4 May 2012 14:21:00 +0000

Össur Skarphéðinsson utanríkisráðherra sat í dag fund utanríkisráðherra Norðurlandanna í Stafangri. Á fundinum fjölluðu ráðherrarnir m.a. um netöryggi, samstarf í öryggis- og varnarmálum, Sýrland, Úkraínu og jafnréttismál.

Utanríkisráðherra gagnrýnir öryggisráðið fyrir aðgerðarleysi í Palestínumálinu

Fri, 4 May 2012 11:05:00 +0000

Össur Skarphéðinsson, utanríkisráðherra, tók í morgun þátt í opinni umræðu utanríkisráðherra Norðurlandanna um Arabíska vorið fyrir fullu húsi í menningarhúsinu í Stafangri í Noregi. Ráðherra gagnrýndi Öryggisráð Sameinuðu þjóðanna fyrir aðgerðarleysi í málefnum Palestínu en umsókn Palestínumanna um aðild að Sameinuðu þjóðunum hefur setið föst í ráðinu síðan í haust.

Innleiðing hertra Evrópureglna um fjármálamarkaði annmörkum háð

Fri, 4 May 2012 10:33:00 +0000

Í álitsgerð lagaprófessorana Stefáns Más Stefánssonar og Bjargar Thorarensen frá 25. apríl sl. er komist að þeirri niðurstöðu að upptaka í EES-samninginn og innleiðing hér á landi á nýjum reglum Evrópusambandsins um eftirlitskerfi með fjármálamörkuðum í Evrópu feli í sér framsal framkvæmdavalds og dómsvalds sem að óbreyttu samræmist ekki ákvæðum stjórnarskrárinnar.

Samningsafstaða Íslands í köflum 1 og 14 birt

Thu, 3 May 2012 11:22:00 +0000

Samningsafstaða Íslands varðandi flutningastarfsemi annars vegar og frjálsa vöruflutninga hins vegar í samningaviðræðum Íslands og Evrópusambandsins hefur verið birt á heimasíðu viðræðnanna - viðræður.is

Mannréttindi samkynhneigðra og utanríkisstefnan

Thu, 3 May 2012 09:22:00 +0000

"Hvarvetna þar sem tilefni gefast styður Ísland réttindi samkynhneigðra, tvíkynhneigðra og transfólks, bæði lagaleg og félagsleg. Í mannréttindaráði Sameinuðu þjóðanna studdi Ísland í orði og verki ályktun um mannréttindi, kynhneigð og kynvitund" segir Össur Skarphéðinsson, utanríkisráðherra, í grein sem hann birtií Fréttablaðinu þann 2. maí sl.

Ísland mótmælir tillögu ESB um viðskiptaaðgerðir

Wed, 2 May 2012 12:46:00 +0000

Á fundi Sameiginlegu EES nefndarinnar í dag var lögð fram yfirlýsing Íslands vegna fyrirliggjandi tillögu ESB um reglugerðarheimild til að beita viðskiptaaðgerðum gegn ríkjum sem stunda ósjálfbærar fiskveiðar. Í yfirlýsingu Íslands er ítrekað að efni fyrirhugaðrar reglugerðar brjóti í bága við alþjóðalög, þar á meðal EES-samninginn.

Viðskipta- og efnahagssamráð við Rússland

Fri, 27 Apr 2012 17:26:00 +0000

Í dag fór fram í utanríkisráðuneytinu samráðsfundur milli Íslands og Rússlands um viðskipta- og efnahagsmál. Slíkir fundir eru haldnir reglulega m.a. til þess að liðka fyrir viðskiptum landanna með gerð viðskiptasamninga. Á þessum fundi var málefnum sem tekin voru upp á fundi Össurar Skarphéðinssonar, utanríkisráðherra, og Sergey Lavrov, utanríkisráðherra Rússlands, í nóvember sl., fylgt eftir sérstaklega.

Aukið markaðsstarf í sjávarútvegi og skapandi greinum

Fri, 27 Apr 2012 16:08:00 +0000

Össur Skarphéðinsson, utanríkisráðherra, varpaði fram þeirri hugmynd í ávarpi sínu í dag á ársfundi Íslandsstofu að hluti af veiðileyfagjaldi, eða á bilinu 500 til 600 milljónir króna, yrði notaður til þess að stórefla markaðsstarf í þágu íslensks sjávarútvegs. Utanríkisráðherra hvatti sömuleiðis til áframhaldandi sóknar í þágu lista og skapandi greina á Íslandi.

Öll í sama liði

Thu, 26 Apr 2012 17:07:00 +0000

Í framsöguræðu sinni við upphaf umræðna um utanríkismál í dag sagði Össur Skarphéðinsson, utanríkisráðherra, aðild Íslands að Evrópusambandinu snúast um langtímahagsmuni Íslands.

Skýrsla utanríkisráðherra um utanríkis- og alþjóðamál

Thu, 26 Apr 2012 13:44:00 +0000

Össur Skarphéðinsson utanríkisráðherra fylgdi í dag úr hlaði skýrslu til Alþingis um utanríkis- og alþjóðamál þar sem fjallað er um helstu verkefni utanríkisþjónustunnar á síðustu 12 mánuðum.

Andagiftir Íslands – Frá fornsögum til skáldsagna

Mon, 23 Apr 2012 17:10:00 +0000

Bókmenntasýningin Andagiftir Íslands – Frá fornsögum til skáldsagna opnaði í Lincoln Center s.l. fimmtudag. Á sýningunni eru 23 íslenskir rithöfundar sem segja sögur af andagift sem bókmenntir veita þeim í stuttum frásögnum undir ljósmyndum þeirra.

Utanríkisráðherra og forsætisráðherra Kína ræða jarðhitamál

Sat, 21 Apr 2012 19:32:00 +0000

Össur Skarpéðinsson, utanríkisráðherra, bauð Wen Jiabao, forsætisráðherra Kína, til málstofu um jarðhitamál í Hellisheiðarvirkjun í dag. Wen Jiabao er jarðvísindamaður að mennt og hefur mikinn áhuga á jarðhitamálum og samstarfi við Íslendinga á því sviði. Forsætisráðherrann er staddur hér á landi í opinberri heimsókn.

Undirritun samstarfssamninga við Kína um jarðhitasamstarf og heimskautamál

Fri, 20 Apr 2012 11:16:00 +0000

Í tengslum við opinbera heimsókn forsætisráðherra Kína, Wen Jiabao, til Íslands undirritaði Össur Skarphéðinsson utanríkisráðherra í Þjóðmenningarhúsinu í dag samkomulag við Kínverja um jarðhitasamvinnu og samninga um samstarf í heimskautamálum.

Fríverslun rædd við viðskiptaráðherra Kína

Fri, 20 Apr 2012 11:25:00 +0000

Í morgun átti Össur Skarphéðinsson, utanríkisráðherra, fund með Chen Deming, viðskiptaráðherra Kína sem fer með utanríkisviðskipti en ráðherrann er í föruneyti kínverska forsætisráðherrans Wen Jiabao sem kemur í opinbera heimsókn til Íslands í dag.

Íslensk kvikmyndahátíð í Lincoln Center

Wed, 18 Apr 2012 17:39:00 +0000

Íslenskar kvikmyndir eru í brennidepli í Lincoln Center listamiðstöðinni í New York dagana 18. til 26. apríl nk. Sýndar verða tuttugu kvikmyndir sem spanna rúmlega sex áratugi í kvikmyndasögu Íslands, allt frá fyrstu talkvikmyndinni 1949 til kvikmynda sem frumsýndar voru síðla árs 2011. Yfirskrift kvikmyndahátíðarinnar er: Images from the Edge: Classic and Contemporary Films from Iceland.

Kynning á umsóknarferli hjá Sameinuðu þjóðunum

Wed, 18 Apr 2012 16:06:00 +0000

Ríflega 150 manns tók þátt í þremur kynningarfundum um umsóknarferli fyrir stöður hjá alþjóðastarfsliði SÞ sem fram fóru dagana 16. og 17. apríl.