Stofnun stjórnmálasambands við Austur-Kongó
-
Stofnun stjórnmálasambands við Austur-KongóFastafulltrúarnir Atoke Ileka og Hjálmar W. Hannesson. Að baki þeim standa Rachidi Ekanza, sendiráðunautur og Emil Breki Hreggviðsson, sendiráðunautur.
Fastafulltrúar Íslands og Austur-Kongó hjá Sameinuðu þjóðunum, sendiherrarnir Hjálmar W. Hannesson og Atoke Ileka, undirrituðu í New York, föstudaginn 23. febrúar, yfirlýsingu um stofnun stjórnmálasambands ríkjanna.
Austur-Kongó er í Mið-Afríku. Landið byggja um það bil 60 milljónir íbúa. Austur-Kongó er fyrrum nýlenda Belgíu og öðlaðist sjálfstæði árið 1960. Friðargæslusveit Sameinuðu þjóðanna (MONUC), hefur haft aðsetur í landinu frá 1999, og vinnur með þarlendum stjórnvöldum að uppbyggingu lýðræðis og stöðugleika í landinu eftir blóðuga borgarastyrjöld undanfarinna ára.
