Fastafulltrúar Íslands og Myanmar (Búrma) hjá Sameinuðu þjóðunum, sendiherrarnir Gréta Gunnarsdóttir og Kyaw Tin, undirrituðu í New York, miðvikudaginn 19. desember, yfirlýsingu um stofnun  stjórnmálasambands ríkjanna.

Stór áfangi náðist í morgun þegar viðræður hófust um sex málaflokka í aðildarviðræðum Íslands og Evrópusambandsins á ríkjaráðstefnu sem fram fór í Brussel. Viðræður eru nú hafnar um 27 af þeim 33 samningsköflum sem fjallað er um. Kaflarnir sem opnaðir voru í morgun varða efnahags- og peningamál, byggðastefnu og samræmingu uppbyggingarsjóða,  umhverfismál, utanríkistengsl, skattamál og frjálsa vöruflutninga. Á fundinum lauk einnig viðræðum samkeppnismál.

Heildarstyrkveitingar til Íslands skv. landsáætlun 2013 eru áætlaðar tæpar 11 milljónir evra eða u.þ.b. 1,8 milljarður króna.

Einnig voru samþykktar ákvarðanir um baráttuna gegn spillingu, peningaþvætti og hryðjuverkum, og yfirlýsing um friðarumleitanir varðandi Transnístríu

Samningsafstaða Íslands varðandi matvælaöryggi í samningaviðræðum Íslands og ESB hefur verið birt á vefnum viðræður.is.

Um 70 sérfræðingar Norðurskautsríkjanna á sviði flug- og samgöngumála taka þátt í ráðstefnu í Reykjavík um stöðu og framtíðarþróun samgangna á norðurslóðum, 3.-6. desember.

Össur Skarphéðinsson, utanríkisráðherra, sótti á mánudag fund EES-ráðsins í Brussel með öðrum utanríkisráðherrum EFTA-ríkjanna og fulltrúum framkvæmdastjórnar ESB.

Jafnframt verður blásið til málþings með þátttöku arkitekta frá Íslandi.

Rætt um olíu- og gasframleiðslu, nýtingar náttúruauðlinda, uppbyggingu samgönguinnviða, ferðaþjónustu og fjarskiptatækni.

Utanríkisráðuneytið, Samtök atvinnulífsins og Íslandsstofa bjóða til opins fundar um áskoranir og sóknarfæri er tengjast auknum efnahagsumsvifum á norðurslóðum.

Össur Skarphéðinsson utanríkisráðherra ítrekar áhyggjur sínar af stigvaxandi hernaðarátökum á Gaza og fordæmir áframhaldandi árásir Ísraela á Gaza, sem og eldflaugaárásir Hamas-samtakanna á Tel Aviv og Jerúsalem.

Á fundi embættismannanefndar Norðurskautsráðsins í Haparanda í Norður-Sviþjóð var framkvæmdastjóri fastaskrifstofu valinn og fjallað um úttekt á málefnum Norður-Íshafsins, ofl.

Niðurstaða reglubundinnar endurskoðunar á viðskiptastefnu Íslands á vettvangi Alþjóðaviðskiptastofnunarinnar (WTO) sem lauk í dag í Genf í Sviss.

Össur Skarphéðinsson utanríkisráðherra kynnti í dag stærsta þróunarsamvinnuverkefni sem Íslendingar hafa tekið þátt í, 65 milljarða króna sjóð sem Alþjóðabankinn hyggst koma upp til jarðhitanýtingar í Afríku.

Utanríkisráðuneytið hvetur fyrirtæki og einstaklinga eindregið til að koma á framfæri við ráðuneytið upplýsingum um viðskiptahagsmuni í Kína á sviði vöru- og þjónustuviðskipta (gerð þjónustu / tollskrárnúmer vöru) sem óskað er eftir að lögð verði áhersla á í viðræðunum

Össur Skarphéðinsson utanríkisráðherra fagnar því að ríkisstjórn Malaví hafi frestað gildistöku laga sem brjóta á mannréttindum samkynhneigðra

Össur Skarphéðinsson utanríkisráðherra birti 6. nóvember 2012 grein í Fréttablaðinu um fyrirhugaða loftrýmisgæslu Svía og Finna við Ísland.

Utanríkisráðuneytið og Rauði kross Íslands undirrituðu í dag samstarfsyfirlýsingu um stuðning við alþjóðastarf, útbreiðslu mannúðarlaga, gagnkvæma upplýsingagjöf um mannúðarmál, baráttuna gegn mansali í Hvíta-Rússlandi og stuðningu við geðfatlaða í landinu.

Svíþjóð og Finnland staðfestu í dag á fundi norrænu utanríkisráðherranna í Helsinki í Finnlandi, vilja sinn til þátttöku í loftrýmisgæslu við Ísland á árinu 2014.

Í morgun voru opnaðir þrír kaflar til viðbótar í aðildarviðræðum Íslands við Evrópusambandið á sérstakri ríkjaráðstefnu sem fram fór í Brussel. Kaflarnir sem opnaðir voru í morgun eru kafli 9 um fjármálaþjónustu, kafli 18 um hagtölur og kafli 29 um tollabandalag.

Upphaflega hafði framkvæmdastjórn ESB gert ráð fyrir því að þau atriði þessara tveggja kafla sem snúa að sjávarútvegi yrðu hluti af viðræðum um kafla 13 um sjávarútvegsmál en frá því hafa aðildarríki ESB horfið.

Höfundar handbókarinnar eru Magnús Gehringer og Viktor Loksha, en utanríkisráðuneytið hefur kostað vinnu Magnúsar við verkefnið frá 2010.

Framkvæmdastjórn ESB birti í dag skýrslu um framvindu aðildarviðræðnanna við Ísland. Skýrslan er jákvæð og fram kemur að aðild Íslands komi báðum til góða. Framkvæmdastjórnin sé þess fullviss að ESB muni takast að kynna heildarlausn fyrir viðræðurnar sem muni taka tillit til sérstöðu Íslands og væntinga

Málstofa þriðjudaginn 16. október í tilefni af 20 ára afmælis innri markaðar Evrópusambandsins.

Össur Skarphéðinsson utanríkisráðherra og Stefán Haukur Jóhannesson, aðalsamningamaður Íslands, áttu í dag fundi með Aleksandar Andrija Pejovic, aðalsamningamanni Svartfellinga, um reynslu Íslands í samningaferlinu.

-         Öryggisráðið harkalega gagnrýnt
-         Stærsta þróunarverkefni Íslendinga kynnt
-         Réttindi samkynhneigðra varin
-         Stuðningur við Palestínu
-         Arabíska vorið tryggi hlut kvenna
-         Ísland skorar á Netanyahu og Ahmadinejad í kjarnorkumálum

Johannes Hahn, sem fer með byggðamál í framkvæmdastjórn Evrópusambandsins er staddur hérlendis. Hann á fundi með íslenskum ráðamönnum og heimsækir Norður- og Austurland.

Hinn 21. september sl. afhenti Berglind Ásgeirsdóttir, sendiherra, Joan Enric Vives Sicilla erkibiskupi  í Urgell trúnaðarbréf  sitt sem sendiherra gagnvart Andorra.

Samningsafstaða Íslands varðandi skattamál í aðildarviðræðum Íslands og ESB hefur verið birt á viðræður.is. Samningsafstaðan var send framkvæmdastjórn ESB og aðildarríkjum sambandsins eftir að um hana var fjallað í samningahóp um fjárhagsmálefni, samninganefnd Íslands og utanríkismálanefnd Alþingis, og hún samþykkt í ráðherranefnd um Evrópumál og í ríkisstjórn. Búist er við því að viðræður hefjist undir lok þessa árs.

Martin Eyjólfsson, sendiherra og fastafulltrúi Íslands í Genf, afhenti Kristni F. Árnasyni, framkvæmdastjóra EFTA trúnaðarbréf þann 18. september sl.

Össur Skarphéðinsson, utanríkisráðherra, hélt í morgun ávarp á málþingi sem bar yfirskriftina „Er evran lausnin“ en þingið markaði endurreisn Fransk-íslenska verslunarráðsins

Utanríkisráðherra fjallar um stöðu þeirra sem minna mega sín og nauðsyn þess að auka framlög til þróunarsamvinnu. Nú stendur yfir kynning á þessu starfi undir yfirskriftinni „Þróunarsamvinna ber ávöxt“.

Samningsafstaða Íslands varðandi umhverfismál í samningaviðræðum Íslands og ESB hefur verið birt. Í samningsafstöðunni er fjallað um sérstöðu íslenskrar náttúru og markmið umhverfisverndar á Íslandi. Ísland fer m.a. fram á heimildir til að halda áfram veiðum á villtum fuglum og spendýrum og nýta og versla með afurðir af þeim.

Utanríkisáðherra Kýpur, Erato Kozakou-Marcoullis, heimsækir Ísland í dag, mánudag, en Kýpur fer nú með formennsku í ráðherraráði Evrópusambandsins

Samningsafstaða Íslands varðandi byggðastefnu Evrópusambandsins í samningaviðræðum Íslands og ESB hefur verið birt á viðræður.is. Samningsafstaðan var send framkvæmdastjórn ESB og aðildarríkjum sambandsins eftir að um hana var fjallað í samningahópi um byggða- og sveitarstjórnarmál, samninganefnd Íslands og utanríkismálanefnd Alþingis, og hún samþykkt í ráðherranefnd um Evrópumál og ríkisstjórn.

Samningsafstaða Íslands í aðildarviðræðum Íslands og ESB varðandi 17. kafla um efnahags- og peningamál hefur verið birt á viðræður.is. Samningsafstaðan var send framkvæmdastjórn ESB og aðildarríkjum sambandsins eftir að um hana var fjallað í viðkomandi samningahópi, samninganefnd Íslands og utanríkismálanefnd Alþingis, og hún samþykkt í ráðherranefnd um Evrópumál og ríkisstjórn.

Í dag  hefst fjögurra daga leitar- og björgunaræfing norðurskautsríkjanna sem byggir á alþjóðasamningi Norðurskautsráðsins um leit og björgun. Landhelgisgæslan heldur utan um framkvæmd æfingarinnar fyrir hönd Íslands.

Martin Eyjólfsson, sendiherra og fastafulltrúi Íslands í Genf, afhenti Kassym-Jomart Tokayev, framkvæmdastjóra Evrópuskrifstofu Sameinuðu þjóðanna í Genf, trúnaðarbréf þann 5. september sl.

Utanríkisráðherra flutti í gær opnunarávarp á fjölmennri ráðstefnu þingmanna frá norðurskautsríkjunum átta og Evrópuþinginu (CPAR). Í ræðunni hvatti hann til aukins pólitísks samstarfs og hagnýtra verkefna milli ríkja á norðurskautsvæðinu s.s. á sviði umhverfismála og um leit og björgun.

Utanríkisráðherrar Íslands og Noregs undirrituðu viljayfirlýsingu í september 2011 um samstarf á sviði norðurslóðafræða m.a. stofnun gestaprófessorsstöðu í norðurslóðafræðum, styrki til nemendaskipta og styrktarsjóð fyrir vísindasamstarf um norðurslóðir. Nú eru auglýstir til umsóknar styrkir fyrir einstaklinga eða hópa til þátttöku í vísindaráðstefnum og/eða sameiginlegum fundum í Noregi eða á Íslandi. Alþjóðaskrifstofa háskólastigsins heldur utan um sjóðinn og er umsóknarfrestur til 15. október nk.

Utanríkisráðherra fundaði í dag með Lisa Murkowski öldungadeildarþingmanni Repúblikanaflokksins fyrir Alaskafylki og bandarískum embættismönnum um málefni norðurslóða, nýtingu endurnýjanlegra orkugjafa og björgunarmál. Lögð var áhersla á mikilvægi náins samstarfs ríkjanna átta sem eru í Norðurskautsráðinu.

Á morgun, 1. september 2012, mun Kristinn F. Árnason, sendiherra, taka við stöðu framkvæmdastjóra EFTA

Auglýst er eftir verkefnum á sviði atvinnuþróunar og byggðamála annars vegar og velferðar- og vinnumarkaðsmála hins vegar.

Samningsafstaða Íslands varðandi tollabandalag annars vegar og utanríkistengsl hins vegar í samningaviðræðum Íslands og ESB hefur verið birt á viðræður.is. Samningsafstaðan var send framkvæmdastjórn ESB og aðildarríkjum sambandsins eftir að um hana var fjallað í viðkomandi samningahópum, samninganefnd Íslands og utanríkismálanefnd Alþingis, og hún samþykkt í ráðherranefnd um Evrópumál og ríkisstjórn.

Utankjörfundaratkvæðagreiðsla erlendis, vegna þjóðaratkvæðagreiðslu um tillögur stjórnlagaráðs sem fara fram 20. október 2012, hefst 26.ágúst n.k. og fer fram í öllum sendiráðum Íslands erlendis og aðalræðisskrifstofum Íslands í New York,  Winnipeg og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands erlendis.

Á meðan á Íslandsdvöl Snædrekans stendur mun ísbrjóturinn heimsækja Reykjavík 16.-18. ágúst og Akureyri 19.-20. ágúst.

Utanríkisráðuneytið fer með gerð fríverslunarsamninga fyrir hönd íslenskra stjórnvalda. Meðal þeirra ríkja sem EFTA stendur nú í fríverslunarviðræðum við eru Víetnam, Indónesía og Mið-Ameríkuríkin Gvatemala, Hondúras, Kostaríka og Panama (með hugsanlegri þátttöku El Salvador og Níkaragva). Einnig er hafinn undirbúningur að viðræðum við Malasíu. Þá stendur til að endurskoða gildandi fríverslunarsamningana við Chile, Kanada og Jórdaníu, m.a. á sviði þjónustuviðskipta.

Á laugardaginn s.l. var opið hús á aðalræðisskrifstofu Íslands í Þórshöfn í Færeyjum í tilefni af Olavsvöku, þjóðhátíð Færeyinga. Nokkur hundruð manns lögðu komu sína á skrifstofuna þ.á.m. Jón Gnarr borgarstjóri Reykjavíkur, Heðin Mortensen borgarstjóri Þórshafnar og nokkurra borgarráðsmanna og þingmanna. Karlakórinn Lóuþrælar úr Húnavatnssýslum kom og tók nokkur lög fyrir gesti og gangandi.

Íslensk stjórnvöld lýsa yfir fullum stuðningi við hertar aðgerðir alþjóðasamfélagsins gagnvart Sýrlandi.

Tímasett aðgerðaáætlun um hvernig undirbúningi á sviði landbúnaðar- og dreifbýlisþróunar verður háttað komi til aðildar Íslands að Evrópusambandinu hefur verið afhent framkvæmdastjórn og aðildarríkjum ESB.

Fastafulltrúi Íslands hjá Sameinuðu þjóðunum, Gréta Gunnarsdóttir, ávarpaði hinn 9. júlí ráðstefnu SÞ um gerð alþjóðasamnings um vopnaviðskipti. Hún greindi frá helstu áherslumálum Íslands en íslensk stjórnvöld styðja heils hugar að samstaða náist um viðtækan og metnaðarfullan samning um viðskipti með allar gerðir vopna, skotfæra og tengda þjónustu.

Hinn 22. maí 2012 fóru forsætisráðuneyti, umhverfisráðuneyti og utanríkisráðuneyti þess á leit við Björgu Thorarensen og Stefán Má Stefánsson, prófessora í lögfræði við Háskóla Íslands, að þau veittu lögfræðiálit hvort upptaka í EES-samninginn á reglugerð (ESB) nr. 1193/2011, sem setur á fót sambandsskrá (Union Registry) vegna viðskipta með losunarheimildir gróðurhúsalofttegunda (ETS), væri annmörkum háð með tilliti til ákvæða stjórnarskrárinnar.  Lögfræðiálitið barst ráðuneytunum hinn 12. júní 2012 og er það meðfylgjandi.

Á fundi „Vina Sýrlands“ sem haldinn var í dag í París fordæmdu Norðurlöndin og Eystrasaltsríkin sýrlensk stjórnvöld fyrir að skeyta lítt um líf og limi óbreyttra borgara í þeirri öldu ofbeldis og manndrápa sem einkennt hafa síðustu mánuði í Sýrlandi með þeim afleiðingum að meira en sextán þúsund manns hafa týnt lífi.

Í fyrri úthlutun ársins fengu átta verkefni frá sex félagasamtökum framlög samtals að upphæð tæplega 80 m.kr. Verkefnin eru eftirfarandi:

Í dag opnar í Hörpu tónlistarhúsi sýning á myndverkinu sem hannað var vegna þátttöku Íslands á heimssýningunni EXPO 2010 í Sjanghæ.  Í tilefni af því er nú aðgengileg á vef ráðuneytisins skýrsla um íslensku þátttökuna.Íslenska EXPO þátttakan vakti mikla athygli í Kína þar sem rúmlega 2,3 milljónir heimsóttu skála Íslands.

Einar Gunnarsson ráðuneytisstjóri átti í dag fund með Jóhönnu K. Eyjólfsdóttur framkvæmdastjóra Íslandsdeildar Amnesty International og Sigurlaugu Soffíu Friðþjófsdóttur frá ungliðahreyfingu Íslandsdeildar Amnesty International og afhentu þær 7501 undirskrift þar sem skorað er á íslensk stjórnvöld að beita sér fyrir gerð alþjóðlegs vopnaviðskiptasamnings.

Össur Skarphéðinsson utanríkisráðherra tók í dag þátt í ráðherrafundi EFTA-ríkjanna í Gstaad í Sviss. Á fundinum fögnuðu ráðherrarnir því að nýlega náðist samkomulag um aukið frjálsræði í viðskiptum með landbúnaðarvörur á milli EFTA-ríkjanna. Í samkomulaginu felst að EFTA-ríkin munu í meginatriðum veita hvert öðru sama aðgang að mörkuðum sínum fyrir landbúnaðarvörur og þau veita Evrópusambandinu. Samkomulagið skapar því því aukin tækifæri til útflutnings á íslenskum landbúnaðarafurðum til Noregs og Sviss.

Mannréttindaráð Sameinuðu þjóðanna fjallaði í dag um sérstaka skýrslu rannsóknarnefndar á vegum ráðsins um meint mannréttindabrot í Sýrlandi, þ.m.t. fjöldamorðin í El-Houleh.

Utanríkisráðherrar Íslands og Noregs undirrituðu viljayfirlýsingu í september 2011 um samstarf á sviði norðurslóðafræða m.a. stofnun gestaprófessorsstöðu í norðurslóðafræðum, styrki til nemendaskipta og styrktarsjóð fyrir vísindasamstarf um norðurslóðir. Háskólinn á Akureyri hefur nú þegar auglýst gestaprófessorsstöðu í norðurslóðafræðum sem kennd verður við norska heimskautafræðinginn Fridtjof Nansen og mun gestaprófessorinn hefja störf næsta haust.

Í morgun voru þrír nýir kaflar opnaðir í viðræðum við Evrópusambandið um aðild Íslands á sérstakri ríkjaráðstefnu í Brussel. Kaflarnir sem opnaðir voru fjalla um flutningastarfsemi, félags- og vinnumál og um fjárhagslegt eftirlit. Alls er þá búið að opna 18 kafla af þeim 33 sem þarf að semja um og samningum um tíu þeirra er lokið. Því má segja að seinni hálfleikurinn í viðræðunum sé nú hafinn.

Hinn 20. júní átti Einar Gunnarsson, ráðuneytisstjóri, fund með Pavlo Klimkin, aðstoðarutanríkisráðherra Úkraínu, sem staddur er í heimsókn á Íslandi. Á fundinum var fjallað um tvíhliða samskipti ríkjanna og samstarf á sviði viðskipta, en íslensk stjórnvöld leggja sérstaka áherslu á gerð loftferðasamnings milli Íslands og Úkraínu.

Íslensk stjórnvöld svöruðu í dag greinargerð framkvæmdastjórnarinnar sem meðalgönguaðila í Icesave-málinu. Þar með lýkur skriflegum hluta málflutnings í málinu en það verður flutt munnlega á dómþingi EFTA-dómstólsins í Lúxemborg þriðjudaginn 18. september nk.

Áttundi fundur íslensk-kínversku viðskiptanefndarinnar fór fram í utanríkisráðuneytinu í dag. Á fundinum var ákveðið að stefna að því að halda tvær samningalotur í fríverslunarviðræðum Íslands og Kína fyrir árslok. Þá var m.a. rætt um viðskipti og efnahag landanna sem og samstarf þeirra á ýmsum vettvangi, m.a. á sviði jarðvarmanýtingar, fjárfestinga, ferðaþjónustu o.fl.

Hjálmar W. Hannesson, sendiherra og fulltrúi Íslands í embættismannanefnd Norðurskautsráðsins kynnti áherslu Íslands varðandi nýtingu og verndun lifandi sjávarauðlinda á norðurslóðum gær á málþingi á vegum The International Institute for Strategic Studies í  London. 

Hinn 8. júní afhenti Stefán Skjaldarson, sendiherra Íslands í Vín, Bakir Izetbegovic, forseta Bosníu og Hersegóvínu, trúnaðarbréf sitt sem sendiherra Íslands gagnvart landinu.

Samningsafstaða Íslands varðandi fjármálaþjónustu annars vegar og dóms- og innanríkismál hins vegar í samningaviðræðum Íslands og ESB hefur verið birt á heimasíðunni viðræður.is.

Sérfræðingar Norðurskautsráðsins funda í Keflavík dagana 10.-12. júní næstkomandi um forvarnir vegna olíumengunar  á norðurslóðum en á fundinum verður m.a. fjallað um hvað læra megi af reynslunni af olíulekanum í Mexíkóflóa 2010. Ráðið hefur frá upphafi lagt ríka áherslu á náið samráð meðal norðurskautsríkjanna um rannsóknir, forvarnir og viðbrögð við mengun m.a. frá olíu, kvikasilfri og ýmsum eiturefnum.

Opnunarviðmið sem sett var fyrir samningskaflann um byggðamál í aðildarviðræðum Íslands og Evrópusambandsins hefur verið uppfyllt af hálfu íslenskra stjórnvalda. Framkvæmdastjórn ESB óskaði á sínum tíma eftir því að Ísland legði fram ítarlega og tímasetta aðgerðaáætlun sem lýsti markmiðum varðandi framkvæmd byggðastefnunnar og stjórnsýsluframkvæmd, komi til aðildar Íslands að ESB.

Íslendingar geta búist við því að upp úr 2025 verði þrjú olíusvæði norðan Íslands; á Drekasvæðinu, útaf Austur-Grænlandi, og við Jan Mayen. Íslensk stjórnvöld stefna að því að byggja upp þjónustu á Norðurlandi við öll olíusvæðin þrjú, og hafa átt viðræður við Grænland og Noreg um íslenskar þjónustumiðstöðvar við olíuvinnsluna.

Stjórnvöldum barst í gær orðsending frá Mannréttindafulltrúa Sameinuðu þjóðanna um að nefnd sem fjallað hefur um mál nr. 1306/2004 gegn íslenskum stjórnvöldum hafi ákveðið að loka málinu þar sem stjórnvöld hafi brugðist, „með ásættanlegum hætti að hluta til“ við tilmælum nefndarinnar.

Össur Skarphéðinsson utanríkisráðherra fordæmir harðlega voðaverk sýrlenskra stjórnvalda sem og vopnaðra sveita á þeirra ábyrgð en lítill vafi leikur á að þau hafi gerst sek um skipulögð og kerfisbundin mannréttindabrot undanfarnar vikur og mánuði. Ráðherra fordæmir sérstaklega fjöldamorð í bænum Houla í vesturhluta Sýrlands í síðustu viku og leggur áherslu á að draga þurfi til ábyrgðar alla þá sem stóðu fyrir þeim.

Össur Skarphéðinsson utanríkisráðherra átti í gær fund með Charles Hendry orkumálaráðherra Breta. Á fundinum ræddu ráðherrarnir sameiginlegan áhuga ríkjanna á auknu samstarfi í orkumálum, en Hendry er fyrsti orkumálaráðherra Breta sem heimsótt hefur Ísland. 

Þann 22. maí s.l. afhenti Kristín A. Árnadóttir forseta Laos, Choummaly Sayasone, trúnaðarbréf sitt sem sendiherra Íslands gagnvart Laos með aðsetri í Peking. Þann 7. maí s.l. afhenti hún krónprinsi Tælands, Maha Vajiralongkorn, trúnaðarbréf sitt sem sendiherra Íslands gagnvart Tælandi með aðsetri í Peking.

Benedikt Ásgeirsson, sendiherra, afhenti 24. maí 2012 Shimon Peres, forseta Ísraels, trúnaðarbréf sitt sem sendiherra Íslands gagnvart Ísrael með aðsetur í Reykjavík.

EFTA-dómstóllinn hefur ákveðið að munnlegur málflutningur í Icesave-málinu fari fram að loknu réttarhléi þriðjudaginn 18. september nk. Skriflegum hluta málflutningsins verður þá lokið, en þriðja og síðasta umferð hans fer nú fram með innleggi þriðju aðila í málið.

Össur Skarphéðinsson utanríkisráðherra fagnaði stofnsetningu sameiginlegs vinnuhóps Íslands og ESB um afléttingu gjaldeyrishaftanna á fundi sínum með Stefan Füle stækkunarstjóra Evrópusambandsins  í morgun. Frjálst flæði fjármagns er einn meginþátturinn í fjórfrelsinu á sameiginlegum innri markaði Evrópu og því liggur fyrir að ríki með gjaldeyrishöft geta ekki gerst aðilar að Evrópusambandinu.

Utanríkisráðuneytið stóð fyrir kynningu á fundi landbúnaðarnefndar Matvæla- og landbúnaðarstofnunar SÞ (FAO) í Róm 22. maí sl. undir yfirskriftinni „Nýting jarðvarmaorku í þágu fæðuöryggis í þróunarlöndunum“. Kynningin fjallaði um þau tækifæri sem felast í jarðvarmanýtingu við framleiðslu og geymslu matvæla í þróunarlöndum.

Össur Skarphéðinsson utanríkisráðherra hefur í gær og í fyrradag tekið þátt í leiðtogafundi Atlantshafsbandalagsins í Chicago ásamt Jóhönnu Sigurðardóttur forsætisráðherra.

Búast má við stórauknum ferðamannastraumi milli Íslands og Tékklands á næstu árum í kjölfar þess að Iceland Express hefur opnað nýja flugleið beint á milli Prag og Keflavíkur. Þetta sagði Össur Skarphéðinsson, utanríkisráðherra, í ræðu í Prag í dag þegar hann opnaði fjölsótta ferðakaupstefnu þar sem íslensk fyrirtæki í ferðaþjónustu kynna valkosti á Íslandi fyrir tékkneskum ferðaskipuleggjendum.

Á fundi með utanríkisráðherra Tékklands, Karel Schwarzenberg í Prag í dag, fór Össur Skarphéðinsson rækilega yfir makríldeiluna og sagði Íslendinga ekki geta unað því ef Evrópusambandið setti viðskiptaþvinganir á Ísland sem brytu í bága við alþjóðlegar skuldbindingar sambandsins.

Ráðherra benti á að meðal mögulegra viðskiptaþvingana, sem rætt hefur verið um á vettvangi ESB, væru aðgerðir sem brytu í bága við reglur innri markaðar Evrópusambandsins, Alþjóðaviðskiptastofnunarinnar og sömuleiðis þau ákvæði EES-samningsins sem Íslendingar telja að banni þær aðgerðir.

Stjórnvöld hafa í dag sent EFTA-dómstólnum gagnsvör í Icesave-málinu. Með þeim er svarað athugasemdum Eftirlitsstofnunar EFTA (ESA) við fyrri greinargerð stjórnvalda. Þar með er lokið annarri umferð í skriflegum hluta málflutnings fyrir dómstólnum.

Frestur annarra EFTA-ríkja og aðildarríkja Evrópusambandsins til að taka þátt í meðferð málsins með skriflegum athugasemdum er á enda runninn þriðjudaginn 15. maí nk.

Tímasett aðgerðaráætlun um hvernig undirbúningi á sviði byggða- og sveitarstjórnarmála verður háttað komi til aðildar Íslands að Evrópusambandinu hefur verið afhent framkvæmdastjórn og aðildarríkjum ESB.

Utanríkisráðuneytið stendur fyrir alþjóðlegu námskeiði um öflun, vinnslu og miðlun upplýsinga á neyðarsvæðum dagana 7.-11. maí 2012 í samvinnu við Skrifstofu fyrir samræmingu mannúðaraðstoðar hjá Sameinuðu þjóðunum í  Genf  (OCHA, Office for the Coordination of Humanitarian Affairs).

Fríverslunarsamningur milli EFTA-ríkjanna og Úkraínu var undirritaður 24. júní 2010 í Reykjavík, ásamt tvíhliða landbúnaðarsamningum milli landanna. Bæði EFTA-ríkin og Úkraína hafa nú lokið fullgildingu samninganna og mun fríverslunarsamningurinn ásamt landbúnaðarsamningunum ganga í gildi hinn 1. júní nk.

Utankjörfundaratkvæðagreiðsla erlendis, vegna forsetakosninga sem fara fram 30.júní 2012, hefst 7. maí n.k. og fer fram í öllum sendiráðum Íslands erlendis og aðalræðisskrifstofum Íslands í New York,  Winnipeg og Þórshöfn í Færeyjum. Einnig er unnt að kjósa utan kjörfundar eftir samkomulagi hjá kjörræðismönnum Íslands erlendis, samanber meðfylgjandi lista.

Össur Skarphéðinsson utanríkisráðherra sat í dag fund utanríkisráðherra Norðurlandanna í Stafangri. Á fundinum fjölluðu ráðherrarnir m.a. um netöryggi, samstarf í öryggis- og varnarmálum, Sýrland, Úkraínu og jafnréttismál. 

Össur Skarphéðinsson, utanríkisráðherra, tók í morgun þátt í opinni umræðu utanríkisráðherra Norðurlandanna um Arabíska vorið fyrir fullu húsi í menningarhúsinu í Stafangri í Noregi. Ráðherra gagnrýndi Öryggisráð Sameinuðu þjóðanna fyrir aðgerðarleysi í málefnum Palestínu en umsókn Palestínumanna um aðild að Sameinuðu þjóðunum hefur setið föst í ráðinu síðan í haust.

Össur Skarphéðinsson, utanríkisráðherra, varpaði fram þeirri hugmynd í ávarpi sínu í dag á ársfundi Íslandsstofu að hluti af veiðileyfagjaldi, eða á bilinu 500 til 600 milljónir króna, yrði notaður til þess að stórefla markaðsstarf í þágu íslensks sjávarútvegs. Utanríkisráðherra hvatti sömuleiðis til áframhaldandi sóknar í þágu lista og skapandi greina á Íslandi.

Bókmenntasýningin Andagiftir Íslands – Frá fornsögum til skáldsagna opnaði í Lincoln Center s.l. fimmtudag. Á sýningunni eru 23 íslenskir rithöfundar sem segja sögur af andagift sem bókmenntir veita þeim í stuttum frásögnum undir ljósmyndum þeirra.

Össur Skarpéðinsson, utanríkisráðherra, bauð Wen Jiabao, forsætisráðherra Kína, til málstofu um jarðhitamál í Hellisheiðarvirkjun í dag. Wen Jiabao er jarðvísindamaður að mennt og hefur mikinn áhuga á jarðhitamálum og samstarfi við Íslendinga á því sviði. Forsætisráðherrann er staddur hér á landi í opinberri heimsókn.

Í tengslum við opinbera heimsókn forsætisráðherra Kína, Wen Jiabao, til Íslands undirritaði Össur Skarphéðinsson utanríkisráðherra í Þjóðmenningarhúsinu í dag samkomulag við Kínverja um jarðhitasamvinnu og samninga um samstarf í heimskautamálum.

Íslenskar kvikmyndir eru í brennidepli í Lincoln Center listamiðstöðinni í New York dagana 18. til 26. apríl nk. Sýndar verða tuttugu kvikmyndir sem spanna rúmlega sex áratugi í kvikmyndasögu Íslands, allt frá fyrstu talkvikmyndinni 1949 til kvikmynda sem frumsýndar voru síðla árs 2011. Yfirskrift kvikmyndahátíðarinnar er: Images from the Edge: Classic and Contemporary Films from Iceland.

Í gær var haldinn opinn fundur um Ríó+20 ráðstefnuna um sjálfbæra þróun sem haldin verður í Rio de Janeiro í júní n.k. Margt fróðlegt kom fram á fundinum en yfirskrift hans var: „Leiðin til Ríó: Sjálfbær þróun og tækifæri græns hagkerfis“.

Össur Skarphéðinsson, utanríkisráðherra, var í gær gestur í Silfri Egils. Þar ræddi ráðherra m.a. Icesave-málið og meðalgöngu Evrópusambandsins í málsmeðferð fyrir EFTA dómstólnum, aðildarumsókn Íslands að ESB, gjaldeyrishöft og virkjanamál.

Íslensk stjórnvöld hafa í dag svarað álitsumleitan forseta EFTA-dómstólsins á beiðni framkvæmdastjórnar Evrópusambandsins um leyfi til meðalgöngu í Icesave-málinu. Svarið er byggt á ráðgjöf aðalmálflytjandans í málinu, Tim Ward, og málflutningsteymisins sem skipað var honum til ráðgjafar.

Íslenska menningarhátíðin, Air d'Islande, verður haldin fjórða árið í röð í París dagana 10.-15. apríl og í Chessy-Sur-Marne dagana 2.-15. apríl þar sem boðið verður upp á fjöldan allan af íslenskum menningarviðburðum.

Í næstu viku munu tveir fulltrúar mannauðsskrifstofu SÞ í New York kynna fyrir áhugasömum langt og umfangsmikið umsóknarferli fyrir stöður hjá alþjóðastarfsliði SÞ. Kynningarfundirnir verða haldnir í utanríkisráðuneytinu, Rauðarárstíg 25, mánudaginn 16. apríl kl. 14:00-17:00 og þriðjudaginn 17. apríl kl.14:00-17:00.

Össur Skarphéðinsson, utanríkisráðherra, fór í marsmánuði til Afríku þar sem hann heimsótti bæði Suður Afríku og Malaví. Á ferðalagi sínu hélt ráðherra dagbók sem hann birti í Fréttablaðinu þann 7. apríl sl.

Mánudaginn 16.04.12 er boðað til opins fundar um Ríó+20, stóra ráðstefnu Sameinuðu þjóðanna um sjálfbæra þróun, sem fram fer í Ríó de Janeiro í júní. Að fundinum standa utanríkisráðuneyti, umhverfisráðuneyti, Stofnun Sæmundar fróða um sjálfbæra þróun og þverfræðilegar rannsóknir, Alþjóðamálastofnun og Félag Sameinuðu þjóðanna á Íslandi.

Össur Skarphéðinsson utanríkisráðherra ávarpaði í dag fjórða fund sameiginlegrar þingmannanefndar Alþingis Íslendinga og Evrópuþingsins sem haldinn var í Þjóðmenningarhúsinu. Í máli sínu lýsti utanríkisráðherra ánægju sinni með gang samningaviðræðnanna um aðild Íslands að ESB en fjórir kaflar voru opnaðir síðasta föstudag og tveimur lokað samdægurs.

Sendiráð Íslands í Helsinki, með aðstoð utanríkisráðuneytisins og Hönnunarmiðstöðvar Íslands, tók þátt í Turku Design Week sem fram fór síðustu vikuna í mars. Sett var upp ljósmyndasýning um íslenska hönnun (Design in Iceland), sýndir voru hönnunarmunir úr sýningunni "Íslensk samtímahönnun” og Fuzzy kollum, sem sendiráðið festi kaup á í fyrra, var stillt upp á sýningarbásnum.

Sameiginleg ræða allra Norðurlandanna og Eystrasaltsríkjanna um ástandið í Sýrlandi var flutt á sérstökum fundi ,,Vina Sýrlands" sem haldinn var um helgina í Istanbul í Tyrklandi. Þar lýsa Norðurlöndin og Eystrasaltsríkin fullum stuðningi við friðaráætlun Kofi Annan en benda á að ofbeldið í landinu geysi enn.

Grein Stefáns Hauks Jóhannessonar, aðalsamningamanns Íslands, Bjargar Thorarensen og Þorsteins Gunnarssonar, varaformanna samninganefndarinnar, sem birtist í Fréttablaðinu þann 31. mars 2012. Í greininni reifa þau stöðu aðildarviðræðna Íslands og Evrópusambandsins í kjölfar fjórðu ríkjaráðstefnu samningaviðræðnanna þar sem viðræður hófust um fjóra nýja samningskafla.

Össur Skarphéðinsson utanríkisráðherra átti í dag fund með Nikolay Patrushev, formanni þjóðaröryggisráðs Rússlands, sem staddur er hér á landi í stuttri heimsókn.

Samningaviðræður hófust í morgun um fjóra samningskafla í aðildarviðræðum Íslands og Evrópusambandsins á ríkjaráðstefnu í Brussel. Viðræðum lauk samdægurs um tvo þeirra þ.e. um utanríkis-, öryggis- og varnarmál, og um neytendamál og heilsuvernd.  Frekari viðræður fara nú í hönd um hina samningskaflana en þeir fjalla um samkeppnismál og orkumál.

Hinn 27. mars hélt sendiráð Japans á Íslandi athöfn í Ráðhúsi Reykjavíkur til að minnast þess að 11. mars síðastliðinn var liðið ár frá hamförunum miklu í Japan sem fylgdu í kjölfar jarðskjálftans við austurströnd landsins.

Össur Skarphéðinsson, utanríkisráðherra, tók í gær þátt í fundi með Catherine Ashton, yfirmanni utanríkis- og öryggismálastefnu Evrópusambandsins, og starfsbræðrum sínum frá öðrum umsóknarríkjum ESB í Brussel. Þá sátu fundinn einnig utanríkisráðherrar formennskuþríeykis sambandsins sem og ráðherrar nokkurra annarra aðildarríkja þess.

Samningsafstöður Íslands varðandi samkeppnismál, orkumál, hagtölur, félags- og vinnumál, utanríkis-, -öryggis- og varnarmál, neytenda- og heilsuvernd, og fjárhagslegt eftirlit í samningaviðræðum Íslands og Evrópusambandsins hafa verið birtar á heimasíðu viðræðnanna esb.utn.is.

Í dag heimsótti Össur Skarphéðinsson utanríkisráðherra miðstöð Efnahags og framfarastofnunarinnar, OECD, um skuldastýringu Afríkuríkja í Jóhannesarborg í Suður Afríku.

Mannréttinda- og loftslagsmál og málefni Afríku, Palestínu og BRICS-ríkjanna voru meginefni á fundi Össurar Skarphéðinssonar utanríkisráðherra og Ebrahim I. Ebrahim aðstoðarutanríkisráðherra Suður Afríku í dag. Fundurinn fór fram í Pretoríu, höfuðborg Suður Afríku.

Sennusagnahöfundurinn Yrsa Sigurðardóttir mun koma fram á Alþjóðlegu bókmenntahátíð Bókaormsins í Peking um helgina.

Þann 8. mars s.l. afhenti Þórður Ægir Óskarsson David Johnston, landstjóra Kanada,  trúnaðarbréf sitt sem sendiherra Íslands í Kanada. 

Íslensk stjórnvöld sendu í gær greinargerð sína í Icesave-málinu til EFTA-dómstólsins. Greinargerðin felur í sér viðbrögð stjórnvalda við stefnu Eftirlitsstofnunar EFTA (ESA) og leggur grunninn að málsvörn Íslands.

Íslensk og frönsk stjórnvöld munu stórauka samstarf um norðurslóðarannsóknir. Þetta kom fram á fundi Össurar Skarphéðinssonar utanríkisráðherra með Alain Juppé utanríkisráðherra Frakklands í París í dag.

Össur Skarphéðinsson, utanríkisráðherra, fundaði í gærkvöldi með Nicolai Wammen, Evrópumálaráðherra Danmerkur. Evrópumálaráðherrann ítrekaði stuðning Danmerkur við aðild Íslands að ESB Danmerkur en Danir gegna formennsku í Evrópusambandinu fram á mitt þetta ár.

Nicolai Wammen, Evrópumálaráðherra Danmerkur, kom í dag í vinnuheimsókn til Íslands en Danir eru nú í formennsku í Evrópusambandinu. Wammen fundar síðdegis í dag með Össuri Skarphéðinssyni, utanríkisráðherra, og hittir samninganefnd Íslands í aðildarviðræðunum við ESB.

Föstudaginn 2. mars 2012 flutti Gréta Gunnarsdóttir, fastafulltrúi Íslands hjá Sameinuðu þjóðunum, ræðu í almennum umræðum á árlegum fundi kvennanefndar Sameinuðu þjóðanna sem nú fer fram í New York.

"Straumar og stefnur í íslenskri myndlist voru til umræðu á hádegisverðarfundi sem Sturla Sigurjónsson, sendiherra í Danmörku, efndi til í sendiherrabústaðnum í Kaupmannahöfn föstudaginn 24. febrúar sl.

Samráðshópur í tengslum við samningaviðræður um aðild Íslands að Evrópusambandinu hélt sinn fyrsta fund í utanríkisráðuneytinu föstudaginn 24. febrúar sl. Formaður hópsins er Salvör Nordal, heimspekingur og forstöðumaður Siðfræðistofnunar Háskóla Íslands. Tveir varaformenn hópsins eru Guðni Th. Jóhannesson, sagnfræðingur og forseti Sögufélags og Ágúst Sigurðsson, rektor Landbúnaðarháskóla Íslands

Villy Søvndal, utanríkisráðherra Danmerkur, flutti sameiginlega ræðu fyrir hönd allra Norðurlandanna og Eystrasaltsríkjanna um ástandið í Sýrlandi á sérstökum fundi ,,Vina Sýrlands" sem haldinn var í dag í Túnis. Þar  fordæma Norðurlöndin og Eystrasaltsríkin valdbeitingu sýrlenskra stjórnvalda gegn óbreyttum borgurum.

Í mars fer fram námskeið um álitamál í þróunarsamvinnu og hjálparstarfi þar sem m.a. verður fjallað um neyðaraðstoð, mannúðarstarf og friðaruppbyggingu.

Í gær var haldinn í utanríkisráðuneytinu fundur íslenskra stjórnvalda með fulltrúum félagasamtaka og hagsmunasamtaka um undirbúning vegna Ríó + 20, ráðstefnu Sameinuðu þjóðanna sem haldin verður í júní nk.

Utanríkisráðherra undirritaði í dag samstarfsyfirlýsingu milli utanríkisráðuneytisins og þingmannanefndar á japanska þinginu um víðtækt samstarf Íslands og Japan á sviði jarðhitanýtingar. Á fundi utanríkisráðherra með sendinefndinni sagði hann Íslendinga mjög fúsa til samstarfs við Japani um þróun og uppbyggingu jarðvarmavirkjana.

"Það er dapurleg staðreynd að fjöldi barna í heiminum í dag verður fyrir kynferðislegu ofbeldi, þ.m.t. á Íslandi.“ Þetta er meðal þess sem kom fram í grein Össurar Skarphéðinssonar og Ögmundar Jónassonar sem birtist í Fréttablaðinu þann 11. febrúar 2012.

Á fjárlögum 2012 er gert ráð fyrir 174 milljón króna framlagi til neyðar- og mannúðaraðstoðar og þróunarsamvinnuverkefna á vegum frjálsra félagasamtaka sem úthlutað er tvisvar á ári, vor og haust. Helmingur upphæðarinnar verður til úthlutunar í vor og er frestur til að skila inn umsóknum til 15. mars nk.

Árlegur fundur ráðuneytisstjóra þróunarmála frá Íslandi, Danmörku, Finnlandi, Noregi, Svíþjóð, Bretlandi, Írlandi og Hollandi var haldinn í Reykjavík í dag og í gær.

"Það að standa innan evrunnar hefur hins vegar mikla kosti fyrir hagkerfi eins og hið íslenska, ekki síst þar sem mestur hluti af erlendum viðskiptum þess er við evrusvæðið" segir í grein utanríkisráðherra í Morgunblaðinu í dag 9. febrúar 2012 um evruna, krónuna og Krugman.

Sýningin Sögueyjan Ísland - Portrett af íslenskum samtímahöfundum opnaði í dag í  húsakynnum framkvæmdastjórnar ESB í Brussel. Þórir Ibsen, sendiherra Íslands gagnvart ESB, og Jan Truszczynski, framkvæmdastjóri stjórnarsviðs mennta- og menningarmála, opnuðu sýninguna.

Sýningin Sögueyjan Ísland - Portrett af íslenskum samtímahöfundum opnaði í Evrópuþinginu í Brussel í dag. Ísland sem bókaþjóð hefur verið áberandi í Evrópu undanfarna mánuði í kjölfar heiðursþátttöku Íslands á stærstu bókasýningu heims, Frankfurter Buchmesse í október sl.

Utanríkisráðherra hefur komið á fót málflutningsteymi til að starfa með Tim Ward QC að undirbúningi varnar í Icesave-málinu. Teymið er skipað sérfræðingum sem unnið hafa að málinu frá upphafi, hafa sérþekkingu á Evrópurétti og störfum EFTA-dómstólsins og lögmönnum sem hafa mikla reynslu af hagsmunagæslu fyrir ríkið eða beitt sér opinberlega gegn þeim samningum sem gerðir voru um lyktir málsins.

Fimmtudaginn 26. janúar fór fram ráðstefna um skapandi greinar og Evrópusambandið þar sem fjallað var um stefnu og framtíðarsýn ESB á sviði skapandi greina og reynslu einstakra aðildarríkja af stuðningi ESB á þessu sviði, meðal annars út frá byggðastefnu sambandsins.

Össur Skarphéðinsson utanríkisráðherra átti i dag fundi með utanríkisráðherra Rúmeníu, þingforseta rúmenska þingsins og Evrópuráðherra Rúmeníu þar sem hann lagði fram hugmyndir um að nýta styrki úr Þróunarsjóði EFTA, sem Ísland á aðild að, til að hefja jarðhitaverkefni í Rúmeníu.