Utanríkisráðuneytinu hefur í dag verið birt stefna Eftirlitsstofnunar EFTA (ESA) í samningsbrotamáli um ábyrgð á lágmarkstryggingu á Icesave-reikningunum. Uppbygging stefnunnar er að öllu leyti hefðbundin.

Össur Skarphéðinsson, utanríkisráðherra og Dr. Riad Malki, utanríkisráðherra Palestínu, staðfestu í dag með formlegum hætti upptöku stjórnmálasambands milli Íslands og Palestínu. Í orðsendingu sem utanríkisráðherra Íslands afhenti Dr. Malki kemur fram að samkvæmt ályktun Alþingis frá 29. nóvember 2011 hafi íslensk stjórnvöld frá og með 15. desember 2011 viðurkennt Palestínu sem sjálfstætt og fullvalda ríki innan landamæranna frá því fyrir sex daga stríðið árið 1967.

Dr. Riad Malki, utanríkisráðherra Palestínu, heimsækir Ísland dagana 14. til 16. desember næstkomandi í boði Össurar Skarphéðinssonar, utanríkisráðherra. Á meðan dvölinni stendur mun ráðherrann eiga fundi með forsætisráðherra og utanríkisráðherra.

Þriðja ríkjaráðstefna Íslands og Evrópusambandsins fór fram í Brussel í dag og tók Össur Skarphéðinsson utanríkisráðherra þátt í henni fyrir hönd Íslands. Þar var fjallað um fimm samningskafla og lauk viðræðum um fjóra þeirra. Frá því að efnislegar viðræður hófust í júní hafa 11 af þeim 33 samningsköflum sem viðræðurnar snúast um verið opnaðir og er viðræðum lokið um 8 þeirra eða um fjórðung.

Þjóðhöfðingjar Íslands og Kína og utanríkisráðherrar ríkjanna skiptust á kveðjum í gær 8. desember á 40 ára afmæli stjórnmálasambands Íslands og Kína. Forseti Íslands sendi Hu Jintao forseta Kína kveðjur frá íslensku þjóðinni og fagnaði grósku í samskiptum ríkjanna.

Sýning á verkum um þrjátíu íslenskra og kínverskra samtímalistamanna var opnuð í sendiráði Íslands í dag. Yfirskrift sýningarinnar sem haldin er  í samvinnu sendiráðsins við The Chinese European Art Center (CEAC) í Xiamen er Þjóðaspjall: Myndlist og ljóðlist.

Utanríkisráðherrafundur Öryggis- og samvinnustofnunar Evrópu, ÖSE, var haldinn í Vilníus, Litháen 6. – 7. desember 2011. Ráðherrarnir samþykktu að styrkja samstarfið við Afganistan og samstarfsríki ÖSE, einkum við ríki í norðanverðri Afríku. Þá var einnig samþykkt ákvörðun um að styrkja getu ÖSE til að koma í veg fyrir átök og yfirlýsing um aðgerðir gegn mansali.

Albert Jónsson, sendiherra, afhenti 7. desember 2011 Dmitri Medvedev, forseta Rússlands, trúnaðarbréf sitt sem sendiherra Íslands í Rússlandi.

Dagana 28. nóvember til 1. desember síðastliðinn fór fram 31. alþjóðaráðstefna Rauða krossins og Rauða hálfmánans í Genf. Yfirskrift ráðstefnunnar var „Veröldin okkar. Þú átt leik. “

"Víða er því brandi utanríkisráðherra beitt í þágu íslensks landbúnaðar á erlendri grundu" segir í grein utanríkisráðherra um samninga og samstarf við Rússland sem birtist í Fréttablaðinu í dag.

Össuri Skarphéðinssyni, utanríkisráðherra, hefur borist bréf frá Dr. Riad Malki, utanríkisráðherra Palestínu, þar sem hann þakkar fyrir stuðning utanríkisráðherra og Alþingis við sjálfstæði Palestínuríkis.

Fyrr í dag var ýtt úr vör sýningu 14 íslenskra samtímalistamanna í sendiherrabústað Íslands í Brussel. Þrír listamenn voru sérstaklega kynntir þau Gabríela Friðriksdóttir, Guðný Rósa Ingimarsdóttir og Haraldur Jónsson og tóku þau þátt í umræðum.

Össur Skarphéðinsson utanríkisráðherra fundaði í dag með menningarráðherra Rússlands, Alexander Avdeyev, þar sem samningur um aukið menningarsamstarf landanna var undirritað. Þá hyggjast íslensk og rússnesk stjórnvöld  fagna 70 ára stjórnmálasambandi landanna á árinu 2013 með menningardagskrá í báðum löndum.

Í gær átti Össur Skarphéðinsson utanríkisráðherra fund með Sergei Lavrov utanríkisráðherra Rússlands í Moskvu. Fundurinn er liður í heimsókn utanríkisráðherra til Rússlands.

Í stuttu ávarpi í umræðu á allsherjarþinginu í dag um Palestínumálið tilkynnti fastafulltrúi Íslands, Gréta Gunnarsdóttir, þinginu um þingsályktunina sem samþykkt var fyrr um daginn af Alþingi, þar sem Alþingi fól ríkisstjórninni að viðurkenna Palestínu sem sjálfstætt og fullvalda ríki innan landamæranna frá því fyrir sex daga stríðið árið 1967.  Tilkynningin hlaut góðan hljómgrunn í allsherjarþinginu.

Alþingi samþykkti í dag þingsályktunartillögu Össurar Skarphéðinssonar utanríkisráðherra um að ríkisstjórninni verði falið að viðurkenna Palestínu sem sjálfstætt og fullvalda ríki innan landamæranna frá því fyrir sex daga stríðið árið 1967. Tillagan var samþykkt mótatkvæðalaust með 38 atkvæðum en 13 þingmenn greiddu ekki atkvæði.

"Ísland er fyrsta landið úr hópi gróinna lýðræðisríkja Vesturlanda sem viðurkennir fullveldi Palestínu", segir í grein utanríkisráðherra í Fréttablaðinu í dag.

Össur Skarphéðinsson utanríkisráðherra skrifaði í dag undir samkomulag við rússnesk stjórnvöld um gagnkvæma vottun mjólkurframleiðenda sem mun opna fyrir útflutning íslenskra mjólkurafurða inn á Rússlandsmarkað.

Össur Skarphéðinsson utanríkisráðherra fundaði í dag með Lucindu Creighton Evrópumálaráðherra Írlands.

Um þetta snýst valið, segir utanríkisráðherra í grein í Fréttablaðinu um helgina þar sem hann fjallar um Evrópumálin.

Fríverslunarsamningur EFTA-ríkjanna og Svartfjallalands var undirritaður í tengslum við ráðherrafund EFTA-ríkjanna sem haldinn var í Genf í dag. Þá ákváðu EFTA-ríkin að hefja fríverslunarviðræður við ríki í Mið-Ameríku.

Að Norðlægu víddinni koma ESB, Rússland, Noregur og Ísland sem jafnréttháir samstarfsaðilar. Alexander Grushko, varautanríkisráðherra Rússlands, tók þátt í fundinum og átti einnig tvíhliða fund með Össuri Skarphéðinssyni, utanríkisráðherra. Á fundinum var farið yfir störf og stefnumörkun innan Norðlægu víddarinnar á grundvelli yfirlýsingar utanríkisráðherrafundar Norðlægu víddarinnar frá árinu 2010.

Á fundinum ræddu ráðherrarnir samskipti og samstarf ríkjanna m.a. í viðskipta- og orkumálum. Fjallað var um samskipti Atlantshafsbandalagsins og Rússlands.

Össur Skarphéðinsson, utanríkisráðherra, skipaði í dag Salvöru Nordal, heimspeking og forstöðumann Siðfræðistofnunar HÍ, formann samráðshóps í tengslum við samningaviðræður um aðild Íslands að Evrópusambandinu.

Össur Skarphéðinsson, utanríkisráðherra, Guðni A. Jóhannesson, orkumálastjóri og Dr. Konrad Osterwalder, rektor Háskóla Sameinuðu þjóðanna (HSÞ), skrifuðu í dag undir framlengingu á samningi um Jarðhitaskóla HSÞ til ársins 2014. Jarðhitaskóli HSÞ hóf starfsemi 1. mars 1979 og var fyrsti skólinn á Íslandi sem varð hluti af neti HSÞ.

Össur Skarphéðinsson utanríkisráðherra átti í dag fundi með nýjum utanríkisráðherra Dana, Villy Søvndal , og nýjum Evrópumálaráðherra, Nikolai Wammen, í tengslum við fund Norðurlandaráðs í Kaupmannahöfn.

Össur Skarphéðinsson utanríkisráðherra hitti í dag utanríkisráðherra Norðurlandanna í tengslum við fundi Norðurlandaráðs í Kaupmannahöfn. Á fundinum ræddu ráðherrarnir m.a. málefni Palestínu og gáfu út sameiginlega yfirlýsingu um þróun mála síðustu daga. Utanríkisráðherrarnir tóku einnig ákvörðun um að efla norrænt samstarf gegn netógnum.

Bókmenntasýningin "Sögueyjan: portrett af íslenskum samtímahöfundum" og skúlptúrinnsetning og gjörningur Sigurðar Guðmundssonar sem opnaðar voru s.l. föstudag í bókasafni Peking Háskóla, vöktu mikla athygli fjölda gesta sem voru saman komnir til að heiðra Ísland og Kína í tilefni af 40 ára afmæli stjórnmálasambands landanna.

Aðild að Evrópusambandinu er stæsta hagsmunamál okkar Íslendinga, af því að hún snýst um stöðugleika, segir utanríkisráðherra í grein sinni um evrópumál í DV í dag.

Össur Skarphéðinsson utanríkisráðherra skrifar um árangur ríkisstjórnarinnar í skattamálum á skömmum tíma, sem hefur m.a. leitt til þess að skattar hafa lækkað hjá millistétt og lágtekjufólki.

Nýju samningarnir eru við Ástralíu, Gana, Jórdaníu, Laos, Paraguay, Rúanda, Sádí-Arabíu, Sambíu og Suður-Afríku. Jafnframt var samið um aukin réttindi við Mexíkó og undirritaðar viljayfirlýsingar um gerð loftferðasamninga við Eþíópíu, Írak, Pakistan og Sri Lanka

Össur Skarphéðinsson utanríkisráðherra átti í gærkvöldi fund með Stefan Füle, stækkunarstjóra Evrópusambandsins. Á fundinum ræddu þeir stöðu og framgang aðildarviðræðna Íslands og ESB en á ríkjaráðstefnu í Brussel í gær luku samningsaðilar viðræðum um tvo samningskafla

Össur Skarphéðinsson utanríkisráðherra skrifaði grein í Morgunblaðið í gær um tillögu sem liggur fyrir Alþingi um að Ísland viðurkenni fullveldi og sjálfstæði Palestínu.

Össur Skarphéðinsson utanríkisráðherra skrifaði grein sem birtist í Fréttablaðinu 15. október s.l. um Bókamessuna í Frankfurt þar sem Ísland er í heiðurssæti.

Utanríkisráðuneyti og umhverfisráðuneyti í samvinnu við framkvæmdastjórn ESB standa þann 25. október fyrir málþingi um ESB og umhverfismál. Skráning er til 13. október. Aðgangur er ókeypis og ráðstefnan er öllum opin.

Framkvæmdastjórn Evrópusambandsins birti í dag skýrslu um framvindu samningaviðræðna Íslands og ESB um aðild að sambandinu

Utanríkisráðherrar Íslands og Noregs, Össur Skarphéðinsson og Jonas Gahr Støre, tilkynntu á Akureyri í dag um stofnun nýrrar prófessorsstöðu í norðurslóðafræðum til þriggja ára við Háskólann á Akureyri.

Verða á opnum fundi Háskólans á Akureyri og utanríkisráðuneytisins um norðurslóðamál á morgun, fimmtudag, í menningarhúsinu Hofi á Akureyri kl. 15:00.

Össur Skarphéðinsson utanríkisráðherra lýsti því yfir á allsherjarþingi Sameinuðu þjóðanna í dag að íslensk stjórnvöld styddu umsókn Palestínumanna um aðild að SÞ og að þau hygðust leggja fram þingsályktunartillögu í næstu viku um viðurkenningu á sjálfstæði Palestínu.

Guðrún Kristjánsdóttir listamaður er þessa dagana að vinna að útilistaverki í miðborg Peking með nemendum úr Listakademíu Pekingborgar. Verkið hefur hlotið heitið Múrinn og er hluti af  árlegri norræn-kínverskri listahátíð NOTCH í Peking sem verður formlega sett á morgun.

Starfandi utanríkisráðherra, Katrín Júlíusdóttir iðnaðarráðherra, og varaforsætisráðherra Víetnam, Hoang Tsung Hai, undirrituðu í dag loftferðsamning milli Íslands og Víetnam. Þetta er fyrsti samningur ríkjanna á þessu sviði.

Íslensk bókmenntahátíð var opnuð í Nýju Delí í dag, “A Celebration of Icelandic Literature”.   Staða Íslendinga sem bókaþjóðar er í brennidepli um þessar mundir en Ísland verður heiðursgestur á stærstu bókasýningu heims, Bókamessunni í Frankfurt í október nk.  Í ágúst sl. var Reykjavíkurborg svo útnefnd bókmenntaborg UNESCO.

Grein utanríkisráðherra í Morgunblaðinu í dag um samstarf Íslendinga og Grænlendinga á norðurlsóðum í tilefni heimsóknar Kuupik Kleist, formanns grænlensku landsstjórnarinnar.
Hægt er að lesa greinina hér (pdf).

Utanríkisráðherra skrifar í Fréttablaðið í dag um fjörutíu ára sögu þróunarsamvinnu, þrjátíu ára afmæli Þróunarsamvinnustofnunar Íslands og tíu ára afmæli Íslensku friðargæslunnar - framlag Íslands til þess sameiginlega verkefnis allra þjóða að berjast gegn fátækt og hungri í heiminum.

Greinina er hægt að lesa hér

Össur Skarphéðinsson utanríkisráðherra skrifaði grein í Fréttablaðið laugardaginn 3. september s.l. sem ber heitið Eistneski kúrinn. Þar segir ráðherra í grófum dráttum frá þróun mála frá því að Eistar gengu inn í ESB og aukningu hagvaxtar í kjölfar upptöku Evrunnar um síðustu áramót.
Grein ráðherra má lesa með því að smella hér.

Utanríkisráðuneytið hefur gefið út yfirlitsskýrslu um þróunarsamvinnu  Íslands. Í skýrslunni er í fyrsta sinn dregin upp heildarmynd af þróunarsamvinnu íslenskra stjórnvalda. Þar er að finna yfirlit yfir framlög til þróunarmála 2009-2010 og greint er frá til hvaða svæða, landa og málaflokka framlögin fara.

Össur Skarphéðinsson utanríkisráðherra sat í dag fund utanríkisráðherra Norðurlandanna og Eystrasaltsríkjanna í Helsinki. Ráðherrarnir undirrituðu samkomulag um að sendifulltrúar ríkjanna geti starfað og haft aðsetur í sendiráðum og fastanefndum hinna ríkjanna erlendis.

Össur Skarphéðinsson utanríkisráðherra skrifar grein í Fréttablaðið í tilefni þess að Ísland hefur nú verið útskrifað úr efnahagsáætlun Alþjóðagjaldeyrissjóðsins.
Lesa má greinina á vef Fréttablaðsins

Bókmenntasýningin Sögueyjan: portrett af íslenskum samtímahöfundum var opnuð á bókmenntadagskránni Vild med Ord innan ramma árlegrar menningarviku í Árósum í Danmörku s.l. föstudag. Sýningin er þáttur í viðleitni sendiráðs Íslands í Danmörku, utanríkisráðuneytisins og mennta- og menningarmálaráðuneytisins að fylgja eftir og efla þann mikla áhuga sem er á íslenskum samtímabókmenntum í Danmörku.

Össur Skarphéðinsson utanríkisráðherra átti í dag fund með Audronius Azubalis, utanríkisráðherra Litháen, sem er hér á landi í opinberri heimsókn.

Össur Skarphéðinsson utanríkisráðherra var í gær viðstaddur vígslu Íslandstorgs í Riga, höfuðborg Lettlands, í tilefni af því að 20 ár eru liðin frá því að Lettland og önnur Eystrasaltsríki endurheimtu sjálfstæði sitt.

Össur Skarphéðinsson utanríkisráðherra var í dag viðstaddur vígslu Íslandstorgsins í Riga, höfuðborg Lettlands, ásamt Girts Valdis Kristovskis utanríkisráðherra. Á torginu var jafnframt afhjúpað minnismerki helgað því að Ísland var fyrst ríkja til að viðurkenna sjálfstæði Lettlands fyrir 20 árum.

Össur Skarphéðinsson utanríkisráðherra ræddi evrópu- og norðurslóðamál á fundi sínum með Erkki Tuomijia, utanríkisráðherra Finnlands í Tallinn í Eistlandi.

Össur Skarphéðinsson, utanríkisráðhera tók í dag þátt í Íslandsdeginum í Tallinn sem eistnesk stjórnvöld halda til heiðurs Íslandi í tilefni af því að 20 ár eru liðin frá því að Eistland endurheimti sjálfstæði sitt.

Össur Skarphéðinsson utanríkisráðherra er í borginni til að taka þátt í Íslandsdegi, hátíð sem Eistar efna til í tilefni þess að tuttugu ár eru liðin frá því að Eistland fékk aftur sjálfstæði og að Íslendingar urðu fyrstir þjóða til að viðurkenna sjálfstæði þeirra.

SOS barnaþorp, Rauði kross Íslands, Barnaheill og Hjálparstarf kirkjunnar styðja neyðar- og mannúðarstarf í Eþíópíu, Sómalílu og Kenýa.

Íslandsdagurinn er í tilefni þess að tuttugu ár eru liðin frá því að Íslendingar urðu fyrstir þjóða til að viðurkenna sjálfstæði Eistlands. Forseti Íslands, utanríkisráðherra og fyrrum utanríkisráðherra taka þátt í deginum auk íslenskra tónlistarmanna, ljósmyndara, hönnuða og matreiðslumanna.

Utanríkisráðuneytið hefur upplýst samstarfshóp íslenskra félagasamtaka um að fjárstyrkur allt að 12,5 milljónir króna verði veittur til verkefna vegna neyðarástandsins í austanverðri Afríku. Umsóknarfrestur er til föstudags 22. júlí.

Berglind Ásgeirsdóttir afhenti í dag Giorgio Napolitano Ítalíuforseta trúnaðarbréf sem sendiherra Íslands gagnvart Ítalíu, með aðsetur í París.

Össur Skarphéðinsson utanríkisráðherra og Dr. Riad Al Malki, utanríkisráðherra í heimastjórn Palestínumanna, undirrituðu í Ramallah í gærkvöld samkomulag um samráð íslenskra stjórnvalda og palestínsku heimastjórnarinnar.

Össur Skarphéðinsson utanríkisráðherra ræddi friðarumleitanir í Mið-Austurlöndum, stuðning við Palestínumenn og tvihliða samskipti Íslands og Jórdaníu við Nasser Judeh utanríkisráðherra og Hashem Ben Al Hussein, Jórdaníuprins.

Össur Skarphéðinsson utanríkisráðherra krafðist þess á Gaza svæðinu í dag að herkví svæðisins yrði aflétt, hún hefði hræðlegar afleiðingar fyrir íbúa Gaza og héldi stærstum hluta þeirra í sárri fátækt.

Ráðherra hitti Stefan Fule, sem fer með stækkunarmál, Mariu Damanaki, sem fer með sjávarútvegsmál, og Olla Rehn, sem fer með efnahags- og gjaldeyrismál í framkvæmdastjórn ESB. Hann fundaði einnig með formanni jafnarðarmanna á Evrópuþinginu og norðurslóðaráðgjafa þess.

Á fundinum lýsti Össur Skarphéðinsson utanríkisráðherra eindregnum vilja Íslendinga til að samningskaflar um fiskveiðar og landbúnað yrðu opnaðir sem allra fyrst. Hann kvaðst jafnframt f reiðubúinn til að opna helming þeirra kafla sem eftir eru í formennskutíð Pólverja, sem taka við um næstu mánaðamót, og afganginn í formennsku Dana, sem hefst um áramót.

Gunnar Snorri Gunnarsson afhenti þann 22. júní sl. forseta Serbíu, Boris Tadic, trúnaðarbréf sitt sem sendiherra, með aðsetur í Berlín.

Össur Skarphéðinsson utanríkisráðherra skrifaði í dag undir fríverslunarsamning milli EFTA-ríkjanna og Hong Kong fyrir Íslands hönd. Undirritunin fór fram á ráðherrafundi EFTA í Schaan í Liechtenstein. Þetta er fyrsti fríverslunarsamningur sem Hong Kong gerir við Evópuríki. Samningurinn tekur bæði til vöru- og þjónustuviðskipta.

Í dag lauk rýnivinnu Íslands og Evrópusambandsins sem staðið hefur yfir frá nóvember síðastliðnum. Við rýnivinnunna hafa sérfræðingar frá Íslandi og Evrópusambandinu borið saman löggjöf í þeim 33 efnisköflum sem aðildarviðræðurnar munu snúast um. Fyrir liggur að Ísland hefur þegar tekið upp Evrópulöggjöf að öllu eða mestu leyti í 21 kafla í gegnum þátttöku sína í EES-samstarfinu. Á öðrum málefnasviðum sem eru utan EES, til dæmis í sjávarútvegi, landbúnaði, byggða- og atvinnumálum, sem og í þeim samningskafla sem lýtur að evrusamstarfinu, hefur vinnan leitt í ljós hvað á milli ber í löggjöfinni.

Rýnifundi um orkumál sem eru í 15. kafla samningaviðræðna við Evrópusambandið lauk í Brussel í dag. Á fundinum báru sérfræðingar Íslands og ESB saman löggjöf í þessum samningskafla sem fellur að hluta undir EES-samninginn. Fyrir íslenska hópnum fór Bryndís Kjartansdóttir, formaður samningahópsins.

Rýnifundi um 18. kafla samningaviðræðna við Evrópusambandið sem fjallar um hagtölur lauk í Luxemborg í dag. Á fundinum, sem var sá síðari af tveimur, báru sérfræðingar Íslands og ESB saman löggjöf í þessum samningskafla, en kaflinn fellur undir EES-samninginn. Fyrir íslenska hópnum fór Bryndís Kjartansdóttir, formaður samningahópsins.

Íslenski skálinn á Feneyjartvíæringnum var formlega opnaður um liðna helgi í Palazzo Zenobio af Dorrit Moussaieff, forsetafrú,  að viðstöddum á þriðja þúsund gesta. Spænsk - íslenska listatvíeykið Libia Castro og Ólafur Ólafsson eru fulltrúar Íslands á tvíæringnum að þessu sinni með sýninguna “Under deconstruction”. 

Íslenskir ríkisborgarar sem ferðast til útlanda eða dvelja erlendis í lengri eða skemmri tíma geta nú skráð upplýsingar þar að lútandi á heimasíðu utanríkisráðuneytisins. Fyrirkomulag þetta er sérstaklega hugsað fyrir þá sem fara til fjarlægari heimshluta eða svæða þar sem af einhverjum ástæðum má ætla að sé viðsjárvert ástand. Upplýsingarnar eru færðar í þar til gerðan gagnagrunn og geymdar á meðan á dvölinni stendur.

Ísland trónar á toppi árlegrar friðarvísitölu, Global Peace Index, á þessu ári en hún er árlega gerð af Institute for Economics and Peace og var kynnt í Washington hinn 25. maí síðastliðinn. Í umfjöllun samtakanna er vikið að þeim jákvæðu breytingum sem hafa átt sér stað „undir stöðugri stjórn núverandi ríkisstjórnar” og Jóhönnu Sigurðardóttur er lýst sem „umbótasinnuðum forsætisráðherra.”

"Sterkur alþjóðlegur samningur um varnir gegn olíuslysum er því einna efst á forgangslista okkar varðandi norðurslóðir. Í Nuuk samþykktu ríkin að hefja undirbúning að honum", segir m.a. í grein Össurar Skarphéðinssonar utanríkisráðherra um fund Norðurskautsráðsins í Nuuk sem birtist í DV í dag.

Össur Skarphéðinsson skrifaði grein í Fréttablaðið, laugardaginn 28. maí, um tengsl norðurslóðamála og Evrópusambandsins, meintan áhuga sambandsins á auðlindum Íslendinga og áhrif aðildarumsóknar Íslands að ESB á samskiptin við Kína.

Fyrir íslenska hópnum fór Ragnhildur Helgadóttir, formaður samningahópsins, en vegna eldgossins í Grímsvötnum tók hluti sérfræðinga þátt í fundinum í gegnum fjarfundarbúnað frá Reykjavík

Össur Skarphéðinsson, utanríkisráðherra, var í dag gestur í Silfri Egils og ræddi m.a. um fyrirhugaðar viðræður Íslands og Evrópusambandsins. Hann sagði fjarstæðu að Evrópusambandsþjóðir ásældust Ísland vegna legu þess á norðurslóðum enda væru nú þegar þrjú aðildarríki Norðurskautsráðsins hluti af ESB.

Á fundinum, sem var sá síðari af tveimur, báru sérfræðingar Íslands og ESB saman regluverk ESB í þessum samningskafla en hann stendur utan EES-samningsins. Fyrir íslenska hópnum fór María Erla Marelsdóttir, formaður samningahópsins.

Ráðherrarnir sammæltust um viljayfirlýsingu um samstarf á sviði norðurslóðarannsókna, ræddu varnar- og öryggismál, ástandið í Mið-Austurlöndum og samstarf í orkumálum.

Á rýnifundinum var vakin athygli á að ræða þyrfti nánar umgjörð peninga- og gjaldeyrismála og hugsanlegan stuðning við afnám gjaldeyrishafta í samræmi við meirihlutaálit utanríkismálanefndar Alþingis. Einnig var vakin athygli á stefnu stjórnvalda um lækkun skulda hins opinbera.

Á fundinum var rætt um framkvæmd reglna hérlendis á sviði neytenda- og heilsuverndar en 28. kafli er hluti af EES-samningnum og þær gerðir sem ekki hafa verið innleiddar kalla almennt ekki á breytingar á íslenskri löggjöf.

Össur Skarphéðinsson utanríkisráðherra lagði í dag fram skýrslu til Alþingis um utanríkismál þar sem fjallað um helstu verkefni utanríkisþjónustunnar á síðustu 12 mánuðum.

Össur Skarphéðinsson utanríkisráðherra skrifaði í dag undir samkomulag um samstarf um leit og björgun á norðurslóðum ásamt fulltrúum hinna sjö aðildarríkja Norðurskautsráðsins en ráðherrafundur þess fer nú fram í Nuuk á Grænlandi.

Samningurinn er fyrsti bindandi alþjóðasamningurinn sem tekur heildstætt á baráttunni gegn ofbeldi gegn konum.

Grein utanríkisráðherra í DV um möguleika í þjónustu og samvinnu við indverska kvikmyndagerðarmenn.

Skýrsla um kortlagningu hagrænna áhrifa skapandi greina var kynnt á málstofu í Háskóla Íslands í dag. Utanríkisráðuneytið er aðili að verkefninu sem leitt er af mennta og menningarmálaráðuneytinu og samráðsvettvangi skapandi greina.

Grein utanríkisráðherra um samskipti Indlands og Íslands, sem birtist í Morgunblaðinu, 30. apríl.

Össur Skarphéðinsson utanríkisráðherra átti í gær fund með Prithviraj Chavan, forsætisráðherra Maharastra, og fór fundurinn fram í höfuðborginni Mumbai. Á fundinum ræddu ráðherrarnir möguleika aukins viðskiptasamstarfs Íslands og Indlands m.a. í sjávarútvegi og jarðhita.

Össur Skarphéðinsson utanríkisráðherra fundaði í dag með indverskum starfsbróður sínum, S.M. Krishna, í Nýju-Delí en Össur er þar í opinberri heimsókn. Hann hitti ennfremur umhverfis- og ferðamálaráðherra landsins.

Tillagan felur í sér að skipuð verði nefnd tíu þingmanna til að fjalla um og gera tillögur um stefnu sem tryggi þjóðaröryggi Íslands á grundvelli herleysis.

Össur Skarphéðinsson utanríkisráðherra rekur aðgerðir Sameinuðu þjóðanna og Atlantshafsbandalagsins til verndar óbreyttum borgurum í Líbíu og stuðning Íslands við þær.

Ísland fer nú með formennsku á öryggismálasamvinnuvettvangi Öryggis- og samvinnustofnunar Evrópu, ÖSE.

Rýnifundi um 22. kafla samningaviðræðna við Evrópusambandið, byggðastefnu ESB og samræmingu uppbyggingarsjóða, lauk í Brussel í dag. Á fundinum, sem var sá síðari af tveimur, báru sérfræðingar Íslands og ESB saman löggjöf í þessum samningskafla. Fyrir íslenska hópnum fór Ragnheiður Elfa Þorsteinsdóttir, formaður samningahópsins.

Utanríkisráðuneytið ræður Íslendingum frá ónauðsynlegum ferðalögum til Japan. Utanríkisráðuneytið ráðleggur Íslendingum sem eru staddir á Tókýó svæðinu eða fyrir norðan Tókýó að íhuga að flytja sig suður á bóginn þar til aðstæður skýrast. Ráðuneytið ráðleggur fólki áfram fylgjast með leiðbeiningum japanskra stjórnvalda og ferðaleiðbeiningum annarra ríkja, sérstaklega norrænu ríkjanna. Í öryggisskyni er íslenskum ríkisborgurum eindregið ráðlagt að fara ekki inn á svæði sem er nær Fukushima kjarnorkuverinu en 80 km.

Rýnifundi um 19. kafla samningaviðræðna við Evrópusambandið, félags- og vinnumál, lauk í Brussel í gær. Á fundinum, sem var sá síðari af tveimur, báru sérfræðingar Íslands og ESB saman löggjöf í þessum samningskafla. Fyrir íslenska hópnum fór Harald Aspelund, formaður samningahóps um EES II málefni en 19. kafli er hluti af EES-samningnum.

„Sögueyjan Ísland – Portrett af íslenskum samtímahöfundum“ er yfirskrift sýningar sem opnaði í gærkvöldi í Felleshus, sameiginlegum sýningarsal norrænu sendiráðanna í Berlín.

Utankjörfundaratkvæðagreiðsla erlendis vegna þjóðaratkvæðagreiðslu, um framtíðargildi laga nr. 13/2011 sem fram fer 9. apríl 2011 hefst 16. mars n.k. og fer fram í öllum sendiráðum Íslands erlendis og aðalræðisskrifstofum Íslands í New York,  Winnipeg, og Þórshöfn í Færeyjum.

Utanríkisráðherra sagði á Alþingi í dag að Ísland muni taka þátt í alþjóðlegu hjálparstarfi vegna neyðarástandsins í Japan með fjárframlögum til fjölþjóðlegra hjálparstofnana. Íslensk stjórnvöld munu fylgjast áfram náið með Íslendingum í Japan og aðstoða þá eftir því sem þörf er á og óskað er eftir. Utanríkisráðuneytið er í nánu samstarfi við önnur Norðurlönd til að leggja mat á stöðu mála og meta möguleg viðbrögð.

Á fundi ríkisstjórnar í morgun gerði utanríkisráðherra grein fyrir viðbrögðum utanríkisþjónustunnar vegna jarðskjálftans í Japan og þess neyðarástands sem skapast hefur.

Utanríkisráðuneytið ræður Íslendingum frá ónauðsynlegum ferðalögum til Japan að svo stöddu. Íslendingum í Japan er jafnframt ráðlagt að forðast ferðalög til svæða í næsta nágrenni við Fukushima kjarnorkuverið.

Utanríkisráðuneytið og sendiráð Íslands í Tókíó fylgjast náið með þróun mála í Japan og hafa samráð við önnur norræn stjórnvöld vegna ástandsins þar. Ráðuneytið hvetur Íslendinga í Japan til að fylgjast vel með fréttum og fyrirmælum þarlendra stjórnvalda m.a. vegna stöðunnar í kjarnorkuverinu í Fukushima.

Tekist hefur að ná sambandi við þá Íslendinga sem vitað er um í Japan og eru þeir allir óhultir. Borgaraþjónusta utanríkisráðuneytisins vinnur nú að því að afla fyllri upplýsinga um staðsetningu þeirra og aðstæður. Ráðuneytið vill enn hvetja Íslendinga í Japan til að fylgjast vel með fyrirmælum stjórnvalda og fréttaflutningi. Vakt verður í utanríkisráðuneytinu yfir helgina vegna ástandsins í Japan.

Hægt er að ná sambandi við borgaraþjónustu utanríkisráðuneytisins í síma 545-9900 eða með því að senda tölvupóst á netfangið help@mfa.is

Í kjölfar jarðskjálftans sem varð við strendur Japans í morgun varar utanríkisráðuneytið við flóðbylgjuhættu á ströndum við Kyrrahaf. Ráðuneytið ráðleggur Íslendingum sem vita um vini og ættingja á þessum svæðum að setja sig í samband við þá og fullvissa sig um að þeir séu meðvitaðir um hættuna og haldi sambandi við ættingja sína á Íslandi eftir atvikum.

Í kjölfar jarðskjálftans sem varð við strendur Japans í morgun varar utanríkisráðuneytið við flóðbylgjuhættu á ströndum við Kyrrahaf. Ráðuneytið ráðleggur Íslendingum sem vita um vini og ættingja á þessum svæðum að setja sig í samband við þá og fullvissa sig um að þeir séu meðvitaðir um hættuna og haldi sambandi við ættingja sína á Íslandi eftir atvikum.

Lúganósamningurinn um dómsvald og um viðurkenningu og fullnustu dóma í einkamálum, sem gerður var í Lúganó 30. október 2007, hefur verið fullgiltur og mun öðlast gildi gagnvart Íslandi 1. maí næstkomandi.

Vefgáttin veitir aðgang að margvíslegum upplýsingum um norðurslóðir, s.s. yfirlit um norðursiglingar, orkumál, fiskveiðar og loftslagsbreytingar.

Nemendurnir eru frá fjórtán löndum  og hafa stundað nám í sex mánuði. Þetta er í þrettánda sinn sem nemendur útskrifast frá Sjávarútvegsskólanum og hafa samtals 223 sérfræðingar frá 43 löndum lokið námi við skólann.

Margrét Rögn Hafsteinsdóttir, hjúkrunarfræðingur, og Ágúst Flygenring, stjórnmálafræðingur sinna málefnum íbúa herteknu svæðanna og palestínskra flóttamanna.

Össur Skarphéðinsson utanríkisráðherra undirritaði í dag reglugerð um þvingunaraðgerðir gegn Líbíu.

Í greininni segir ráðherra m.a.: "Okkur ber siðferðileg og pólitísk skylda til að leggja af mörkum til að vinna gegn fátækt og hungri í heiminum. Við erum fullvalda ríki, og getum ekki skorast undan þeirri skyldu að taka þátt í alþjóðlegum aðgerðum annarra ríkja heims sem miða að efnahagslegum og félagslegum framförum fátækra þjóða."

Á fundinum ræddu þeir einkum samskipti ríkjanna og stöðuna í aðildarviðræðum Íslands og Evrópusambandsins þar sem Þjóðverjar hafa stutt Íslendinga dyggilega.

Sérstök áhersla er lögð á jafnréttismál sem þverlægt áherslusvið i tillögu til þingsályktunar um alþjóðlega þróunarsamvinnu, sem utanríkisráðherra mælti fyrir á Alþingi 17. febrúar sl. og er UN Women tilgreind sem ein fjögurra lykilstofnana í þróunarstarfi Íslands.

Össur Skarphéðinsson utanríkisráðherra fordæmdi harkalega framferði líbískra stjórnvalda gagnvart óbreyttum borgurum þar í landi, úr ræðustól Alþingis í dag.

Sendiráðið bætist nú í hóp sendiráða Íslands sem leggja sérstaka áherslu á að kynna samtímalist og koma á tengslum fyrir íslenska myndlistarmenn

Össur Skarphéðinsson mælti í dag fyrir tillögu til þingsályktunar um áætlun um alþjóðlega þróunarsamvinnu Íslands fyrir tímabilið 2011 til 2014. Áætlunin fjallar um þátttöku Íslands í fjölþjóðlegri þróunaraðstoð, tvíhliða samvinnu við einstök ríki, neyðaraðstoð, friðargæslu- og hjálparstarfi.

"Til Íslands, sem óttalaust viðurkenndi lýðveldið Litháen, fyrst allra ríkja þann 11. febrúar 1991", segir á skildinum, sem utanríkisráðherra afhjúpaði ásamt Audronius Azubalis utanríkisráðherra Litháen í viðurvist Vytautas Landsbergis og margra annarra sem leiddu sjálfstæðisbaráttu Litháens í upphafi tíunda áratugarins

Íslenska friðargæslan hefur tekið í gagnið nýtt og aðengilegt, rafrænt umsóknarferli fyrir umsækjendur um friðargæslustörf. Áhugasamir geta sótt um að vera á viðbragðslista Íslensku friðargæslunnar á vefsíðu utanríkisráðuneytisins.

2. kafli er hluti af EES-samningnum og hafa flestar gerðir Evrópusambandsins á sviðinu þegar verið innleiddar.

Sendiráð Íslands hafa verið bakhjarl sýningarinnar í Kaupmannahöfn,  Sjanghæ, Peking og nú Stokkhólmi.

Utanríkisráðuneytið og Þróunarsamvinnustofnun Íslands hafa gefið út nýjar reglur um úthlutun styrkja til frjálsra félagasamtaka sem stunda þróunarsamvinnu og neyðar- og mannúðaraðstoð. Efnt verður til námskeiðs um verklagsreglurnar 24. febrúar nk.

Ráðherra skrifar um hagsmuni Íslendinga á svæðinu, um mikilvægi þess að styrkja Norðurskautsráðið sem samráðsvettvang og sameiginlega baráttu gegn loftslagsvánni, svo og tækifæri og háska sem felast í breytingum sem eru að verða á norðurslóðum.

Rýnifundi um 11. kafla samningaviðræðna við Evrópusambandið, landbúnað og dreifbýlisþróun, lauk í Brussel í dag. Á fundinum, sem var sá síðari af tveimur, báru sérfræðingar Íslands og ESB saman löggjöf í þessum samningskafla.

Gunnar Snorri Gunnarsson, sendiherra Íslands, afhenti Bronislaw Komorowski, forseta Póllands, trúnaðarbréf sitt sem sendiherra þann 20. janúar.

Kaflinn um umhverfismál fellur undir EES-samninginn og hefur stór hluti regluverks Evrópusambandsins á sviðinu er þegar innleiddur á grundvelli samningsins.

Utanríkisráðuneytið og Þróunarsamvinnustofnun Íslands hafa gefið út nýjar reglur um úthlutun styrkja til frjálsra félagasamtaka sem stunda þróunarsamvinnu og neyðar- og mannúðaraðstoð. Efnt verður til námskeiðs um verklagsreglurnar 15. febrúar nk.