Fastafulltrúar Íslands og Tonga hjá Sameinuðu þjóðunum undirrituðu í New York, föstudaginn 14. desember sl. yfirlýsingu um stofnun stjórnmálasambands ríkjanna.

Dr. Gunnar Pálsson, sendiherra, hefur afhent trúnaðarbréf sitt sem sendiherra Íslands á Sri Lanka með aðsetur í Nýju Delí.

Utanríkisráðherra hefur skipað þverfaglegan starfshóp til að gera vandað og faglegt hættumat fyrir Ísland.

Lesa meira

Í dag tók Ingibjörg Sólrún Gísladóttir utanríkisráðherra þátt í reglulegum ráðherrafundi EFTA sem fram fór í Genf. Meginefni fundarins voru fríverslunarsamningar við önnur ríki, stöðumat og forgangsröðun.

Lesa meira

Í 28. tölublaði Stiklna, vefrits viðskiptasviðs, er fjallað um undirritun viljayfirlýsingar milli Glitnir Bank og LNJ Bhilwara Group.

Í 27. tbl. Stiklna um menningar- og landkynningarmál er fjallað um íslensk tónverk og ljóð sem kynnt voru á þrennum tónleikum í Berlín og München og nýja bók eftir Wolfgang Müller.

Benedikt Ásgeirsson, sendiherra, hefur afhent  trúnaðarbréf sitt sem sendiherra Íslands gagnvart Túrkmenistan með aðsetur í Moskvu.

Í 26. tölublaði Stiklna, vefrits viðskiptasviðs, er m.a. fjallað um tilskipun um viðskipti með heimildir til losunar gróðurhúsalofttegunda sem felld var undir EES-samninginn og aðild Íslands að Matvælaöryggisstofnun Evrópu (EFSA).

Utanríkisráðherra hefur falið Ellisif Tinnu Víðisdóttur, sem gegnt hefur starfi aðstoðarlögreglustjóra á Suðurnesjum, að gegna hlutverki breytingastjóra innan Ratsjárstofnunar með starfshópi utanríkisráðuneytisins um yfirtöku stofnunarinnar.

Í 25. tölublaði Stiklna, vefrits viðskiptasviðs, er m.a. fjallað um ráðherraráðstefnu ESB og kynningu á íslensku skyri í Japan.

Ingibjörg Sólrún Gísladóttir, utanríkisráðherra, verður í Washington D.C. dagana 19.-22. október nk. þar sem hún mun sitja fund þróunarnefndar Alþjóðabankans.

Lesa meira

Lesa meira

Háttsettir fulltrúar ríkisstjórna komu saman í New York 27. september s.l. til þess að minnast þess að samningurinn um bann við þróun, framleiðslu, söfnun og notkun efnavopna og um eyðingu þeirra hefur verið í gildi í 10 ár.

Sigríður Dúna Kristmundsdóttir, sendiherra, afhenti 6. september sl., Letsie III, konungi Lesótó, trúnaðarbréf sitt sem sendiherra Íslands gagnvart Lesótó með aðsetur í Pretoríu.

Á fimmtudag ávarpaði utanríkisráðherra ráðherrafund um samþættingu alþjóðlegra öryggis- og heilbrigðismála, undir yfirskriftinni Global Health and Foreign Policy, sem haldinn var að frumkvæði Noregs og Frakklands.

Reglulegur fundur utanríkisráðherra Norðurlandanna var haldinn á fimmtudaginn. Utanríkisráðherrarnir sendu á dögunum sameiginlegt bréf þar sem mikilvægi framboðs Íslands fyrir Norðurlöndin er áréttað og þakkað er fyrir góðan stuðning sem framboðið hefur nú þegar fengið. 

Ingibjörg Sólrún Gísladóttir utanríkisráðherra flutti í gær ræðu á sérlegu þingi háttsettra leiðtoga um loftslagsbreytingar í höfuðstöðvum Sameinuðu þjóðanna í New York.

Fastafulltrúar Íslands og Kamerún hjá Sameinuðu þjóðunum undirrituðu í New York, miðvikudaginn 19. september, yfirlýsingu um stofnun stjórnmálasambands ríkjanna.

John Craddock yfirhershöfðingi NATO kemur í heimsókn til Íslands 5. september nk. Lesa meira

Utanríkisráðherra hélt í gær í vinnuferð til Mið-Austurlanda. Ferðinni er heitið til Ísraels, á heimastjórnarsvæði Palestínumanna og til Jórdaníu.

Undirritaður var í dag fyrsti áfangi samstarfssamnings milli utanríkisráðuneytisins og Veðurstofu Íslands um samstarf Íslands og Indlands á sviði jarðskjálftarannsókna.

Ingibjörg Sólrún Gísladóttir, utanríkisráðherra, var viðstödd setningu 9. leiðtogafundar Afríkusambandsins (AU) í Accra 1. júlí sl. Ingibjörg Sólrún átti tvíhliða einkafundi með ráðherrum rúmlega tuttugu Afríkuríkja í tengslum við dagskrá Afríkusambandsins.

António Guterres aðalframkvæmdastjóri Flóttamannahjálpar Sameinuðu þjóðanna (UNCHR) var meðal fjölmargra ráðamanna sem Ingibjörg Sólrún Gísladóttir utanríkisráðherra hitti á einkafundi í kringum leiðtogafund Afríkusambandsins í Gana.

Þing Evrópuráðsins fjallaði fyrr í dag um aðra skýrslu svissneska þingmannsins Dick Marty, sérstaks skýrslugjafa Evrópuráðsins á vegum laga- og mannréttindanefndar þingsins, um leynifangelsi og ólöglegt fangaflug CIA í gegnum lofthelgi Evrópuráðsríkja.

Í 14. tbl. Stiklna um alþjóðamál er fjallað um störf íslenskra friðargæsluliða í Afganistan, Palestínu og Súdan.

Ingibjörg Sólrún Gísladóttir, utanríkisráðherra, og eiginmaður hennar, Hjörleifur Sveinbjörnsson, hófu í dag tveggja daga opinberra heimsókn til Noregs í boði Jonas Gahr Støre, utanríkisráðherra Noregs.

Ingibjörg Sólrún Gísladóttir, utanríkisráðherra, sat í dag fund utanríkisráðherra Eystrasaltsráðsins sem haldinn var í Malmö í Svíþjóð.

Nicholas Burns, aðstoðarutanríkisráðherra Bandaríkjanna, kemur í heimsókn til Íslands í kvöld í boði Ingibjargar Sólrúnar Gísladóttur, utanríkisráðherra.

Í 15. tölublaði Stiklna er m.a. fjallað um afhendingu alþjóðlegra orkuverðlauna sem rússneska sambandslýðveldið veitir árlega fyrir rannsóknir á sviði orkumála og stofnun samráðsvettvangs íslenskra fyrirtækja á Kínamarkaði sem hlotið hefur nafnið Iceland Business Forum.

Guðmundur Árni Stefánsson hefur afhent trúnaðarbréf sitt sem sendiherra Íslands gagnvart Serbíu með aðsetur í Stokkhólmi.

Í 13. tbl. Stiklna um menningar- og landkynningarmál er fjallað um íslenska menningarhátíð í Stuttgart og norræna menningarhátíð í Greifswald í Þýskalandi.

Lesa meira

Í 9. tbl. Stiklna er fjallað um Matvælaáætlun Sameinuðu þjóðanna.

Ávarp Hjálmars W. Hannessonar, sendiherra og fastafulltrúa Íslands hjá S.þ., á 15. ráðherrafundi nefndar S.þ. um sjálfbæra þróun (á ensku).

Í 10. tbl. Stiklna, vefrits viðskiptasviðs, er fjallað um samráðsfund atvinnulífs og stjórnvalda sem haldinn var á Egilstöðum, málþing um viðskipti og viðskiptatækifæri í Rússlandi og ýmsa viðburði í Berlín sem sendiráð Íslands hefur komið að.

Ávarp Hjálmars W. Hannessonar, sendiherra og fastafulltrúa Íslands hjá Sameinuðu þjóðunum í umræðum um endurbætur á öryggisráði S.þ. (á ensku).

Valgerður Sverrisdóttir, utanríkisráðherra, átti í dag fund með Dusan Caplovic, aðstoðarforsætisráðherra Slóvakíu, í Kröfluvirkjun í Mývatnssveit.

Valgerður Sverrisdóttir, utanríkisráðherra, hélt nú í morgun utan til Osló til að sækja utanríkisráðherrafund Atlantshafsbandalagsins sem fram fer í dag og á morgun.

Fulltrúi Íslands hjá UNHCR í Genf tilkynnti í dag á ráðstefnu um flóttamenn í Írak að Valgerður Sverrisdóttir, utanríkisráðherra, hafi ákveðið að veita framlag sem nemur 100.000 bandaríkjadölum til aðstoðar íröskum flóttamönnum.

Valgerður Sverrisdóttir, utanríkisráðherra, og Jakob Simonsen, framkvæmdastjóri skrifstofu Þróunaráætlunar Sameinuðu þjóðanna (UNDP) í Kaupmannahöfn, skrifuðu í morgun undir samstarfssamning í þróunarsamvinnu.

Lesa meira

Valgerður Sverrisdóttur, utanríkisráðherra, átti í dag fund með Raymond Henault, formanni hermálanefndar Atlantshafsbandalagsins.

Valgerður Sverrisdóttir, utanríkisráðherra, opnaði í gær formlega aðalræðisskrifstofu Íslands í Þórhöfn í Færeyjum að viðstöddu fjölmenni.

Valgerður Sverrisdóttir utanríkisráðherra átti nú síðdegis fund með William Hague fyrrverandi formanni Íhaldsflokksins á Bretlandi og núverandi talsmanni flokksins í utanríkismálum.

Í dag voru í utanríkisráðuneytinu áritaðir nýir loftferðasamningar við Danmörku, Noreg og Svíþjóð. Samningarnir koma í stað eldri samninga frá 1950-60.

Lesa meira

Verndun viðkvæmra vistkerfa fyrir skaðlegum áhrifum fiskveiða og aðgerðir gegn ólöglegum veiðum var ofarlega á baugi á fundinum.

Fyrr í dag áttu íslenskir og kanadískir embættismenn fund um öryggismál í Ottawa. Fundurinn var jákvæður og verður samráðsferli áfram haldið.

Lilja Viðarsdóttir sendiherra og aðstoðarframkvæmdastjóri Fríverslunarsamtaka Evrópu (EFTA) andaðist á Landspítala – háskólasjúkrahúsi fyrr í dag, 49 ára að aldri, eftir stutta sjúkrahúslegu.

Fyrsti fundur Íslands og Bandaríkjanna um framtíð ratsjár- og loftvarnarkerfisins á Íslandi var haldinn í Brussel fyrr í dag.

Í 2. tbl. er fjallað um FAO ráðstefnu um alþjóðaviðskipti með fisk, málþing um þróunarsamvinnu, friðaruppbyggingarnefnd S.þ. og ráðstefnu í Osló um klasasprengjur.

Íslenskir og norskir embættismenn áttu í dag öðru sinni fund um samstarf þjóðanna um öryggismál o.fl. í Osló.

Valgerður Sverrisdóttir, utanríkisráðherra, mun á morgun ávarpa ráðstefnu um áskoranir og tækifæri í alþjóðaviðskiptum með sjávarafurðir, sem haldin verður í Háskólanum á Akureyri dagana 1. og 2. febrúar.

Lesa meira

Valgerður Sverrisdóttir, utanríkisráðherra, heldur á morgun í opinbera heimsókn til Liechtenstein og mun þar meðal annars eiga fundi með forsætis- og utanríkisráðherra Liechtenstein.

Valgerður Sverrisdóttir, utanríkisráðherra, hefur ákveðið að opna útibú frá þýðingamiðstöð utanríkisráðuneytisins á Akureyri.