Upplýsingar fyrir ferðamenn frá Íslandi

• Vegabréf

Almennt þurfa íslenskir ríkisborgarar gilt vegabréf til þess að ferðast til annarra landa. Erlend stjórnvöld gera oft kröfu um að vegabréf gildi a.m.k. þrjá mánuði fram yfir áætlaðan brottfarardag. Sérreglur gilda um ferðir til Schengen-landa.

Úrræði sem íslensk sendiráð og ræðisskrifstofur hafa til að aðstoða íslenska ríkisborgara erlendis og eru án gilds vegabréfs. Allar frekari upplýsingar um íslensk vegabréf eru að finna á vegabref.is.

• Útlendingar á Íslandi

Sérreglur gilda um ríkisborgara annarra landa en Schengen-landa sem eru með dvalarleyfi á Íslandi.

• Vegabréfsáritanir

Almennt þurfa íslenskir ríkisborgarar landgönguleyfi (vegabréfsáritanir, "vísa") til þess að ferðast til annarra landa. Frá þeirri reglu gilda margar undantekningar. Sjá nánar um ferðir til Schengen-landa og "Upplýsingar um vegabréfsáritanir fyrir íslenska ferðamenn".
Í þeim tilvikum sem verður að fá vegabréfsáritun eru þær veittar í erlendum sendiráðum og sumum ræðisskrifstofum. Ef slíkt sendiráð eða ræðisskrifstofur eru ekki á Íslandi þarf að senda vegabréfið til viðkomandi sendiráðs erlendis. Misjafnt er hvað það tekur langan tíma en slíkt getur tekið margar vikur.

• Bólusetningar

Rétt er að ferðamenn til vissra landa láti bólusetja sig gegn sjúkdómum. Nánari upplýsingar fást hjá Heilsugæslu höfuðborgarsvæðisins (sími 585-1300), kl. 9-10 og 15-16.

• Halló Norðurlönd er upplýsingaþjónusta á vegum Norrænu ráðherranefndarinnar sem ætlað er að aðstoða einstaklinga sem flytjast búferlum milli norrænna ríkja og lenda í erfiðleikum í samskiptum sínum við yfirvöld.
  
  
• Sjúkraaðstoð

Á grundvelli EES-samningsins geta þeir sem eiga lögheimili á Íslandi átt rétt á aðstoð vegna skyndilegra veikinda eða slysa í öðru EES-landi, í samræmi við reglur í viðkomandi landi.
Þeir sem ætla að ferðast til EES-lands geta snúið sér til Tryggingastofnunar ríkisins eða umboða hennar áður en lagt er af stað og fengið þar sérstaka staðfestingu á að þeir séu sjúkratryggðir. Framvísun á staðfestingunni tryggir framangreinda aðstoð. Staðfesting er óþörf sé ferðast til Norðurlanda og Bretlands. Eyðublöð vegna staðfestingarinnar liggja frammi á ferðaskrifstofum og á söluskrifstofum Flugleiða.
Eftirfarandi lönd eru aðilar að EES-samningum:
Austurríki, Belgía, Bretland, Danmörk, Finnland, Frakkland, Grikkland, Írland, Holland, (Ísland), Ítalía, Liechtenstein, Lúxemborg, Noregur, Portúgal, Spánn, Svíþjóð og Þýskaland.
Frekari upplýsingar fást hjá Tryggingastofnun ríkisins í síma 560-4460.

• Sérstakar upplýsingar um einstök ríki

Utanríkisráðuneyti margra ríkja gefa út sérstakt upplýsingaefni vegna ferðalaga til margra ríkja. Á heimasíðum bandarísku og bresku utanríkisráðuneytanna má finna góðar upplýsingar af þessu tagi.